CASPS-ը Պատուեց Նորթ Հոլիվուտի Հանրային Վարժարաններու Վերին Կարգերու Յաջողակ Աշակերտները


Ազգային Առաջնորդարանի հովանիին տակ գործող Հանրային Վարժարաններու Հայ Ուսանողներու Յանձնախումբը՝ CASPSը, Ուրբաթ, 19 Մայիս 2017-ին, Նորթ Հոլիվուտի East Valley High School-ի սրահին մէջ կազմակերպեց հանդիսութիւն մը, գնահատանքի ու պատիւի արժանացնելու համար Լոս Անճելըսի հանրային կրթութեան համակարգի Նորթ Հոլիվուտի վարժարաններէն 10-էն 12րդ դասարաններու յաջողակ աշակերտները։ CASPS-ը 11-րդ տարին ըլլալով կը կազմակերպէր այս ընդունելութիւնը։

Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, Արժ. Տ. Նարեկ Աւ. Քհնյ. Փեհլիվանեան ներկայ եղաւ հանդիսութեան եւ ընթերցեց Առաջնորդ Սրբազանին գնահատանքի եւ օրհնութեան խօսքը։

Առաջնորդ Սրբազանը իր խօսքին մէջ կ’ողջունէր Լոս Անճելըսի կրթական համակարգի ներկայացուցիչները, CASPS-ը, աշակերտներն ու ծնողները, բարձր գնահատելով ուսուցիչներուն եւ ծնողներուն անձնդիր նուիրումը աշակերտներուն ուսումնառութեան եւ հոգեմտաւոր աճումին համար, մաղթելով, որ աշակերտներուն յաջողութիւնները շարունակուին յարատեւօրէն։

Խօսքը ուղղելով աշակերտներուն, Առաջնորդ Սրբազանը կը շնորհաւորէր զիրենք եւ կը գնահատէր անոնց փայլուն արդիւնքները։ Ան կը յիշեցնէր, որ ամէն բանէ առաջ պէտք է շնորհակալութիւն յայտնեն Աստուծոյ, իրենց վայելած շնորհներուն համար, նաեւ երախտապարտ ըլլան ծնողներուն եւ ուսուցիչներուն։ Առաջնորդ Սրբազան Հայրը կը յորդորէր աշակերտները միշտ յիշել հայկական արմատները, կառչիլ քրիստոնէական հաւատալիքներուն ու ծառայել հայութեան՝ մեր ազգի յառաջդիմութեան ու բարգաւաճման եւ մեր Դատին իրականացման համար։ Ան իր խօսքը կ’եզրափակէր օրհնելով բոլորը եւ Աստուծմէ խնդրելով, որ պահապան ու հովանի ըլլայ անոնց՝ կեանքի ճանապարհորդութեան ընթացքին։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022