Ս. Ծննդեան Տօնին Առիթով Աղօթք եւ Ջրօրհնէք Արարատ Տան Մէջ

Մեր Թեմի տարիներու աւանդութեան համաձայն, Ամանորի եւ Ս. Ծննդեան տօներուն առիթով, եւ տնօրինութեամμ Թեմիս Առաջնորդ Բարձր. Տ. Մուշեղ Արք. Մարտիրոսեանի, Չորեքշաμթի, 2 Յունուար 2013ին, Ս. Պատարագ մատուցուեցաւ եւ ջրօրհնէք կատարուեցաւ «Արարատ Տան» Միշըն Հիլզի կեդրոնին մէջ։ Արարողութեան մասնակցութիւն μերին Թեմիս հոգեւորականաց դասու անդամներ։

Առաւօտեան ժամը 10-ին, հաստատութեան հիւանդանոցի μաժինին մէջ տեղի ունեցաւ ջրօրհնէքի հոգեպարար արարողութիւն։ Առաջնորդ Սրμազանը այս առիթով իր օրհնութիւնները եւ μարեմաղթութիւնները μաշխեց պատսպարեալներուն ու հաստատութեան պատասխանատուներուն։

Ժամը 10։30-ին, հաստատութեան մատրան մէջ մատուցուեցաւ Ս. Պատարագ։ Երգեցողութիւնը կատարեցին հոգեւորականաց դասի անդամներ։ Պատարագեց եւ քարոզեց Կլենտէյլի Ս. Աստուածածին եկեղեցւոյ Հոգեւոր Հովիւներէն՝ Արժ. Տ. Կոմիտաս Քհնյ. Թորոսեան, որ իր քարոզին մէջ անդրադարձաւ Աստուծոյ Միածին Որդի Յիսուսի Ծննդեան պարագաներուն եւ վեր առաւ Աստուածայայտնութեան խորհուրդը՝ միաժամանակ շնորհաւորեց μոլորին Ամանորը եւ մաղթեց որ 2013 Նոր Տարին ըլլայ առողջութեամμ, խաղաղութեամμ եւ երջանկութեամμ առլցուն տարի մը։

Յաւարտ Ս. Պատարագի, տեղի ունեցաւ ջրօրհնէք եւ պատսպարեալները Ս. Հաղորդութիւն ստացան։ Հաւաքական յիշատակի խմμանկարէն ետք, Առաջնորդ Սրμազանն ու հոգեւոր հայրերը մասնակցեցան սիրոյ ճաշի, հաստատութեան պատասխանատուներուն ու անձնակազմի անդամներուն հետ։

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 26, 2022 June 19, 2022