Կրօնական Ժողովի Ընդլայնուած Նիստեր Ազգային Առաջնորդարանին Մէջ

Չորեքշաբթի, 12 Մայիս 2021ին, նախագահութեամբ Արեւմտեան Թեմի Բարեջան Առաջնորդ՝ Գերշ. Տ. Թորգոմ Ս. Եպս. Տօնոյեանի, Ազգային Առաջնորդարանին մէջ գումարուեցան Կրօնական ժողովի ընդլայնուած նիստեր, որոնք սկիզբ առին առաւօտեան ժամը 10ին եւ շարունակուեցան մինչեւ երեկոյեան ժամը 6: Կրօնական ժողովի լրիւ կազմին միացան Ֆրեզնոյի Հոգեւոր հովիւ՝ Հոգշ. Տ. Աշոտ Աբղ. Խաչատուրեան եւ Լաս Վեկասի Հոգեւոր հովիւ՝ Արժ. Տ. Արցախ Քհնյ. Պատոյեան:

Ժողովական աշխատանքներուն անցնելէ առաջ, Հոգեւոր հայրերը Առաջնորդարանի «Ս. Տրդատ եւ Ս. Աշխէն» մատրան մէջ կատարեցին եկեղեցական արարողութիւն, որմէ ետք հերթաբար գումարեցին չորս նիստեր: Առաջինին՝ անոնք խօսեցան Թեմի հոգեւորականաց ժողով-համագումարներու, սարկաւագաց համախմբումի, Կիրակնօրեայ դպրոցներու եւ Ս. Գրոց սերտողութիւններու մասին, ապա, երկրորդ նիստով արծարծեցին Առաջնորդարանի պարբերաթերթի, լսատեսողական յայտագրերու, հրատարակութիւններու եւ լրատուական դաշտին առնչուող հարցեր:

Կարճ դադարէ մը ետք, Կրօնական ժողովը իր երրորդ նիստով քննեց ծիսական հարցեր, իսկ չորրորդ նիստով կատարուեցաւ աշխատանքային ընդհանուր արժեւորում:

Յայտնենք, որ նոյն օրը երեկոյեան ժամը 7ին, Արեւմտեան թեմի Կրօնական ժողովն ու Ազգային վարչութիւնը, նախագահութեամբ Առաջնորդ Սրբազան Հօր, գումարեցին Խառն ժողովի նիստ մը՝ օրակարգի վրայ ունենալով մեր կեանքը յուզող անմիջական հարցեր:

 

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022