Սարկաւագաց Ձեռնադրութիւն Էնսինոյի Ս. Նահատակաց Եկեղեցւոյ Մէջ

Կիրակի, 5 Յունիս 2022-ի առաւօտեան, Հոգեգալուստի տօնին, Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան, Էնսինոյի Ս. Նահատակաց եկեղեցւոյ մէջ մատոյց Ս. եւ անմահ Պատարագ, որուն ընթացքին սարկաւագ ձեռնադրեց հինգ ուրարակիրներ՝ Յակոբ Տէմիրճեան, Նարեկ Խաչատուրեան, Աւօ Փաթաթեան, Յարութ Իննէճեան եւ Կարապետ Մարգարեան, որոնք եկեղեցւոյ Հոգեւոր հովիւ՝ Արժ. Տ. Ռազմիկ Աւ. Քհնյ. Խաչատուրեանի կողմէ պատրաստուած էին այս կարգին համար:
Սրբազան արարողութեան ներկայ էին Տ.Տ. Եփրեմ եւ Մուշեղ Արքեպիսկոպոսներ, Ազգային վարչութեան ներկայացուցիչներ եւ հաւատացեալ ժողովուրդ:

Իր արտասանած պատգամին մէջ, Առաջնորդ Սրբազան Հայրը գնահատեց հինգ երիտասարդ նուիրեալները, որոնք գիտակից իրենց հաւատարմութեան՝ հանդէպ Մայր Եկեղեցւոյ, եւ ի տղայ տիոց աճած ըլլալով եկեղեցւոյ մէջ, կը բարձրանային ծառայական կարեւոր՝ սարկաւագական աստիճանին:

Խօսելով Հոգեգալուստի տօնին մասին, Թորգոմ Եպիսկոպոս հրաւիրեց ներկաները Հոգւոյն Սրբոյ կրակով ջերմանալ եւ միշտ անդրադառնալ, առաքելական յորդորին համաձայն, որ մենք լոկ միս ու ոսկոր չենք, այլ տաճարներն ենք Աստուծոյ Սուրբ Հոգիին:

Յայտնենք նաեւ, որ արարողութեան ընթացքին Կերի Պէրպէրեան ստացաւ ուրար կրելու իրաւունք:

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 7, 2022 July 31, 2022