Ս. Աստուածածնի Վերափոխման Տօնին Առիթով Ս. Պատարագ եւ Խաղողօրհնէք Թեմիս Եկեղեցիներուն Մէջ

Կիրակի, 16 Օգոստոս 2020-ը, Ս. Աստուածածնի վերափոխման տօնն է, որ նաեւ անուանակոչութեան օրն է Կլենտէյլի Ս. Աստուածածին եկեղեցւոյ։

Այս առիթով, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցանէ եւ մատաղօրհնէք ու խաղողօրհնէք պիտի կատարէ Ս. Աստուածածին եկեղեցւոյ մէջ։

Իսկ Առաջնորդական փոխանորդ Գերշ. Տ. Թորգոմ Եպս. Տօնոյեան Ս. Պատարագ պիտի մատուցանէ եւ խաղողօրհնէք պիտի կատարէ Էնսինոյի Ս. Նահատակաց եկեղեցւոյ մէջ։

Ինչպէս տեղեակ էք, Քալիֆորնիոյ Նահանգապետի հրահանգով, վերջին քանի մը շաբաթներուն եկեղեցական արարողութիւնները կրկին անգամ դռնփակ կը կատարուին, առանց հաւատացեալներու ներկայութեան, կասեցնելու համար «Քորոնա» ժահրի տարածումը։ Սակայն նկատի առնելով Ս. Աստուածածնի վերափոխման տաղաւար տօնի կարեւորութիւնը մեր ժողովուրդի զաւակներուն համար, մեր Թեմի կարգ մը եկեղեցիներ Ս. Պատարագ եւ կամ խաղողօրհնէք պիտի կատարեն բացօդեայ, յարգելով ընկերային հեռաւորութեան օրէնքները, առիթ տալով մեր հաւատացեալներուն սահմանափակ թիւով մասնակցելու արարողութեանց։

Մանրամասնութեանց համար հեռաձայնել ծխական եկեղեցիներու գրասենեակ։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022