Եպիսկոպոսական Ս. Եւ Անմահ Պատարագ Ս. Սարգիսի Տօնին Առիթով

Կիրակի, 13 Փետրուար 2022-ի առաւօտեան, Արեւմտեան Թեմի բարեջան Առաջնորդ՝ Գերշ. Տ. Թորգոմ Ս. Եպս. Տօնոյեան, Ս. Սարգիսի տօնին առիթով հանդիսաւոր Ս. եւ անմահ Պատարագ մատոյց Փասատինայի նոյնանուն եկեղեցւոյ մէջ: Ս. խորանին սպասարկեցին եկեղեցւոյ Հոգեւոր հովիւ՝ Արժ. Տ. Պօղոս Քհնյ. Պալթայեան, սարկաւագաց ու դպրաց դասերը:

«Յիսուս Քրիստոսը դարձնենք մեր կեանքին ապաւէնը, մեր ընտանիքներուն ժայռը, մեր ազգին կեդրոնը, իւրաքանչիւր մարդ անհատի, հայ ընտանիքի, հայ գաղութի, բովանդակ հայ ազգի սիրտը, որպէսզի տանջանքները եւ չարութիւնները, ցաւերը եւ տառապանքները հեռու մնան մեր անհատական, ընտանեկան, ազգային եւ հայրենիքի կեանքէն»: Առաջնորդ Սրբազան Հայրը այս խօսքերով սկսաւ իր պատգամը, որուն աւարտին մեծաւ ուրախութեամբ եւ բարձրագոյն սիրով ողջունեց Ս. Սարգիս եկեղեցւոյ ծխական համայնքը, ապա շնորհաւորեց եկեղեցւոյ եւ բոլոր Սարգիսներուն ու Մարտիրոսներուն, ի մասնաւորի Ազգային Առաջնորդարանին հաւատարիմ սիրով կապուած՝ Ս. Սարգիս եկեղեցւոյ գլխաւոր բարերար Տէր եւ Տիկին Սարգիս Կիտցինեանի անուանակոչութեան տօնը:

Յաւարտ Ս. Պատարագի, տեղի ունեցաւ հոգեհանգստեան պաշտօն, որուն աւարտին
Սրբազան Հայրը կատարեց մատաղի օրհնութիւն, ապա օրհնութեան աղօթքով փակեց անոր յաջորդած «Սիրոյ սեղան»:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022