Էշկիեան Ընտանիքը Կը Հովանաւորէ Միւռոնօրհնէքի Բոլոր Յուշանուէրներուն Ծախսերը

Ն.Ս.Օ.Տ.Տ. Արամ Ա. Սրբազնագոյն Կաթողիկոսը, 1 Յուլիս 2022-ին, պիտի կատարէ Միւռոնի օրհնութիւն, Անթիլիասի Ս. Գրիգոր Լուսաւորիչ Մայր տաճարին մէջ:

Հոգեւոր սփոփանքի եւ հոգենորոգ զուարճութեան առիթ հանդիսացող Միւռոնօրհնէքի նախօրեակին, Արեւմտեան Թեմի բարերարներ ու ազգայիններ զանազան մակարդակներու վրայ եւ լիաբուռն՝ որպէս խորհրդանիշ ուխտի, ինչպէս նաեւ՝ Կիլիկեան դարաւոր Աթոռի նկատմամբ տածած հաւատարիմ սիրով տոգորուն, իրենց զօրակցութիւնը ցոյց կու տան տարբեր ձեւերով:

Ուրախ ենք յայտնելու, որ ցարդ արձանագրուածներուն վրայ եկաւ աւելնալու ողջունելի նոր մը, այն, որ ընդառաջելով Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեանի առաջարկին, կաթողիկոսութեան զաւակ եւ Թեմի ազգային բարերար Տէր եւ Տիկին Կարօ եւ Սօսէ Էշկիեան ու իրենց զաւակները՝ Նարէ եւ Գօգօ, սիրով կը հոգան Միւռոնօրհնէքի առիթով պատրաստուող բոլոր յուշանուէրներուն ծախսերը:

Մեկնած այս ոգեւորիչ ժեսթէն՝ Առաջնորդ Սրբազանը այսու իր բարձր գնահատանքը կը փոխանցէ բարերար ընտանիքին՝ միաժամանակ կոչ ուղղելով բոլոր-բոլորին, որ չզլանան իրենց բարեգործական ներդրումը՝ Աթոռոյ առաւել պայծառացման հրաշափառ առաքելութեան մէջ:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022