Տօնական Մթնոլորտ Տիրեց Սան Ֆրանսիսքոյի Ս. Գրիգոր Լուսաւորիչ Եկեղեցւոյ Մէջ

Կիրակի, 3 Ապրիլ 2022-ի առաւօտեան ժամը 11-ին, Սուրբ Գրիգոր Լուսաւորիչի «մուտն ի վիրապ» տօնին առիթով, Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան, Ս. եւ անմահ Պատարագ մատոյց եւ մատաղի օրհնութիւն կատարեց Սան Ֆրանսիսքոյի Ս. Գրիգոր Լուսաւորիչ եկեղեցւոյ մէջ: Ս․ Պատարագին սպասարկեցին եկեղեցւոյ Հոգեւոր հովիւ՝ Հոգշ. Տ. Սմբատ Վրդ. Սապունճեան, Կլենտէյլի Ս. Աստուածածին եկեղեցւոյ Հոգեւոր տեսուչ՝ Հոգշ. Տ. Զարեհ Վրդ. Սարգիսեան, սարկաւագներ, ուրարակիրներ եւ դպիրներ: Հոգեւոր արարողութեան ներկայ եղան Ազգային վարչութեան անդամ տիար Կարպիս Պէզճեան, կազմակերպութեանց, միութեանց ներկայացուցիչներ, բարերարներ եւ հաւատացեալներ:

Եկեղեցւոյ մէջ կը տիրէր տօնական իւրայատուկ մթնոլորտ: Ներկաները ողջունելէ ետք, Թորգոմ Եպս. խօսեցաւ հոգեպարար պատգամ մը, որուն ընդմէջէն վեր առաւ Յիսուս Քրիստոսի անսպառ, անհատնում, անմար եւ ճշմարիտ լոյսը ըլլալու իրողութիւնը եւ հրաւիրեց ժողովուրդը Քրիստոսի լուսաւոր ճամբէն քալելու, այլեւ մեղքէն ու մեղքի որոգայթներէն հեռու մնալով՝ աստուածահաճոյ կեանք վարելու:

Աւարտին, եկեղեցւոյ անուանակոչութեան տօնին առիթով, Առաջնորդ Սրբազան Հայրը շնորհաւորեց տեղւոյն համայնքը եւ մաղթեց, որ Ս. Գրիգոր Լուսաւորիչի բարեխօսութեամբ, աստուածային սէրը ամբողջական ներկայութիւն դառնայ համայնքի կեանքէն ներս, եւ մարդիկ իրարու հետ վարուին փոխադարձ սիրով, յարգանքով եւ եղբայրսիրութեամբ:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022