Քալիֆորնիոյ Խորհրդարանի Նախկին Անդամ Էնթընի Փորթանթինօ Ազգ. Առաջնորդարան Այցելեց

Երեքշաբթի, 11 Փետրուար, 2014-ին Քալիֆորնիոյ նահանգի խորհրդարանի նախկին անդամ Էնթընի Փորթանթինօ բարեկամական այցելութիւն տուաւ Ազգային Առաջնորդարան, ուր ան մտերմիկ հանդիպում մը ունեցաւ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի հետ: Առաջնորդ Սրբազանին կ’ընկերանային Հոգշ. Տ. Պօղոս Աբղ. Թինքճեան, Արժ. Տ. Նարեկ Աւ. Քհնյ. Փեհլիվանեան եւ Ազգային Վարչութեան անդամներ Տոքթ. Նաւասարդ Գազազեան եւ Տիար Թորոս Քէչէճեան:

Portantino2Տիար Փորթանթինօ Փասատինայի Հայկական Ցեղասպանութեան Յուշարձանի Յանձնախումբի անդամ ըլլալով, Սրբազան Հօր տեղեկացուց վերջին զարգացումներուն մասին, նշելով թէ Փասատինայի քաղաքապետարանը միաձայնութեամբ վաւերացուցած է ծրագիրը եւ թէ յառաջիկայ շաբաթներուն վերջնական ճարտարապետական ձեւը պատրաստ պիտի ըլլայ: Տիար Փորթանթինօ նաեւ տեղեկացուց, թէ Յանձնախումբը ծրագրած է հիմնօրհնէք կատարել Ապրիլ 24-ի օրը:

Ցեղասպանութեան ոգեկոչական ձեռնարկներու մասին խօսելով, Առաջնորդ Սրբազանը շեշտեց, թէ այսպիսի նախաձեռնութիւններ անհրաժեշտ է որ գաղութին մէջ միասնական ճիգերով իրագործուին, ինչպէս օրինակ Հայկական Ցեղասպանութեան Միացեալ Մարմինի աշխատանքները:

Տիար Փորթանթինօ շնորհակալութիւն յայտնեց Սրբազանին եւ Հայ համայնքին, իրենց մշտական աջակցութեան եւ ընդառաջումին համար: Առաջնորդ Սրբազանը իր կարգին շնորհակալութիւն յայտնեց պատուարժան հիւրին եւ յաջողութիւն մաղթեց իր ապագայ աշխատանքներուն եւ ծրագիրներուն, ապա անոր փոխանցեց յուշանուէր մը:

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

2022 – Սփիւռքի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային իշխանութեանց, եւ մեր ժողովուրդի զաւակներուն 2022 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

May 22, 2022 May 15, 2022