Եղբայրական Հանդիպում՝ Ազգային Առաջնորդարանի Մէջ

Չորեքշաբթի, 7 Ապրիլ 2021ի կէսօրուան ժամը 12ին, հրաւէրով Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեանի, Ազգային Առաջնորդարանի մէջ տեղի ունեցաւ Կիլիկիոյ Հայրապետական Աթոռի Միաբան եղբայրներու հանդիպում, որուն ներկայ եղան Գերշ. Տ. Եփրեմ Ս. Արք. Թապագեան, Գերշ. Տ. Կոմիտաս Ս. Արք. Օհանեան, Գերշ. Տ. Մուշեղ Ս. Արք. Մարտիրոսեան, Գերշ. Տ. Գրիգոր Ս. Արք. Չիֆթճեան եւ Գերպ. Տ. Միւռոն Ծ. Վրդ. Ազնիկեան:

Բարձրաստիճան Հոգեւոր Հայրերը նախ աղօթք բարձրացուցին առ Աստուած, վասն աշխարհի խաղաղութեան եւ ազգիս հայոց սէր-միութեան, Ն.Ս.Օ.Տ.Տ. Արամ Ա. Կաթողիկոսի արեւշատութեան եւ Հայ Եկեղեցւոյ անսասանութեան, ապա մասնակից եղան ի պատիւ իրենց կազմակերպուած սիրոյ սեղանին, որուն ընթացքին յիշուեցան միաբանական կեանքի սրտառուչ յուշերէն ու դրուագներէն պատումներ, այլեւ անդրադարձ եղաւ մեր ներկայ կեանքը յուզող երեւոյթներու մասին:

Յայտնենք, որ բարձրաստիճան Հոգեւոր Հայրերը Աւագ Շաբթուան առիթով մասնակից եղան Արեւմտեան Թեմի եկեղեցիներու սրբազան արարողութիւններուն, օրհնաբեր Ս. Պատարագ մատուցեցին եւ յաւուր պատշաճի քարոզեցին վասն մխիթարութեան մեր ժողովրդեան:

 

 

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022