ԱՌԱՋՆՈՐԴ ՍՐԲԱԶԱՆԸ ԸՆԴՈՒՆԵՑ »ՆՈՐ ՋՈՒՂԱՅԻ ԲԱՐԵԿԱՄՆԵՐ« ՅԱՆՁՆԱԽՈՒՄԲԻՆ ԱՅՑԵԼՈՒԹԻՒՆԸ

Չորքեշաբթի, 9 Մայիսի յետմիջօրէին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ազգ. Առաջնորդարանի »Սիւլահեան« դահլիճին մէջ ընդունեց այցելութիւնը »Նոր Ջուղայի Բարեկամներ« յանձնախումբի վարչութեան, որ եկած էր Առաջնորդ Սրբազանը շնորհաւորելու վերընտրութեան առիթով։ »Ն.Ջ.Բ. Յանձնախումբ«ը կը գործէ Ազգ. Առաջնորդարանի հովանիին տակ։

Ողջունելով հիւր վարչականները, Առաջնորդ Սրբազանը շնորհակալութիւն յայտնեց այս այցելութեան ու արտայայտուած բարեմաղթութեանց համար։

Հիւր վարչականները ընդհանուր գիծերու մէջ Առաջնորդ Սրբազանին հաղորդեցին այս միաւորի ծրագիրներուն մասին։ Առաջնորդ Սրբազանը, իր կարգին, բարձր գնահատեց Յանձնախումբին նուիրեալ աշխատանքը, որ նախկին նոր-ջուղայեցիները համախումբելու կողքին, տարբեր ձեռնարկներով ու նախաձեռնութիւններով կը կիրարկէ ազգային աւանդութեանց հաւատարմութիւնը։

Հրաժեշտի պահուն, Առաջնորդ Սրբազանը յուշանուէրներ յանձնեց յանձնախումբի ներկայացուցիչներուն։

 

ՆԱԵՒ՝ CASPSԻ ՆԵՐԿԱՅԱՑՈՒՑԻՉՆԵՐԸ

 

Աւելի ուշ, Առաջնորդ Սրբազանը ընդունեց CASPSի (Հանրային Վարժարաններու Հայ Ուսանողներու Յատուկ Յանձնախումբ) ներկայացուցիչները, ընկերակցութեամբ Յանձնախումբին մօտ Ազգ. Վարչութեան ներկայացուցիչ Տոքթ. Յակոբ Տէր Մկրտիչեանի։ Յանձնախումբը նմանապէս եկած էր Առաջնորդ Սրբազանը շնորհաւորելու վերընտրութեան առիթով, որուն համար, Առաջնորդ Սրբազանը շնորհակալութեան խօսք ուղղեց ներկայացուցիչներուն։

Հանդիպումը առիթ եղաւ տեղեկութիւններ ու տեսակէտներ փոխանակելու CASPSի գործունէութեան ու անմիջական ծրագիրներուն մասին։ Անմիջական ծրագիրներուն շարքին է հանրային վարժարաններ յաճախող ու լաւ արդիւնքներ արձանագրող երկրորդականի աւարտական աշկերտներու գնահատանքի ձեռնարկը։ Առաջնորդ Սրբազանը բարձր գնահատեց CASPSի անդամներուն նուիրումն ու անսակարկ աշխատանքը, որ բարիք է հանրային վարժարաններու հայ ուսանողներուն։

 

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022