Սուրիոյ Հայութեան Օժանդակութեան Մարմինին Ի Նպաստ Ճաշկերոյթ


Սուրիոյ Հայութեան Օժանդակութեան Մարմինը Հինգշաբթի, 4 Յունիսի երեկոյեան, հանգանակային ճաշկերոյթ մը կազմակերպած էր, ի խնդիր իր առաքելութեան շարունակականութեան պահպանման: Այս ձեռնարկը նաեւ առիթ էր ծանօթութիւն տալու «Օքսֆամ» կազմակերպութեան հետ SARFի գործակցութեան, որ ի գործ դրուած էր Հայաստան ապաստանած սուրիահայերու որոշ օգնութիւն տրամադրելու նպատակով:

Առաջնորդ Սրբազանը ներկայ եղաւ ձեռնարկին եւ զօրակցութեան կոչ ուղղեց ներկաներուն։ Հանդիսավարութիւնը կատարեց Արժ. Տ. Վիգէն Աւ. Քհնյ. Վասիլեան: Խօսք առաւ SARFի ատենապետ Տիար Ճան Թիթիզեան: Իբրեւ բանախօս հրաւիրուած էին Փրոֆ. Հրայր Տէօքմէճեան եւ Տիար Րաֆֆի Արտալճեան, որ մասնակից էր «Օքսֆամ»ին հետ SARFի գործակցութեան համակարգումին: Փրոֆ. Տէօքմէճեան խօսեցաւ Միջին Արեւելքի զարգացումներուն մասին եւ անդրադարձաւ հայութեան վիճակուած կացութեան: Խօսք առաւ նաեւ SARFի փոխ ատենապետ Տիար Րաֆֆի Քէնտիրճեան, որ ներկայացուց «Հզօր Հալէպ» խորագրեալ ծրագիրը:

Նշենք որ Ազգային Վարչութեան անդամներ ներկայ եղան ձեռնարկին եւ մասնակից՝ հանգանակութեան։ Յայտագիրը ունէր գեղարուեստական բաժին. նուագով ելոյթ ունեցան Սօսի եւ Սալբի Քերքոնեան:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022