Ազգ. Մեսրոպեան Վարժարանի Նոր Մարզադաշտի Հիմնօրհնէք – Սիսի Պատմական Կաթողիկոսարանէն Քար Մը

Շաբաթ, 22 Հոկտեմբեր 2022-ի երեկոյեան, Ազգ. Մեսրոպեան վարժարանի համալիրին մէջ, ձեռամբ Ամերիկայի Միացեալ Նահանգներու Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեանի, ներկայութեամբ Մոնթեպելլոյի քաղաքապետին, Հոգեւոր հայրերու, Ազգ. վարչութեան եւ Խնամակալ մարմնի ներկայացուցիչներու, դպրոցի տնօրէնութեան եւ Ուսումնական խորհուրդի անդամներու, շինարարական պատասխանատուներու, բարերարներու, ծնողներու, աշակերտներու, բարեկամներու, Մոնթեպելլոյի Ս. Խաչ Մայր տաճարի Հոգաբարձութեան ներկայացուցիչներու, տեղի ունեցաւ նոր կառուցուելիք փակ մարզադաշտի հիմնօրհնէք, որուն ընթացքին գործադրուեցաւ գեղարուեստական կոկիկ յայտագիր մը:

Ձեռնարկի ընթացքին յուզիչ երեւոյթ մը պարզուեցաւ, երբ շինարարական յանձնախումբի համաատենապետ Քրիս Կուրճեան Առաջնորդ Սրբազանին մատուցեց Սիսի պատմական Կաթողիկոսարանէն իր կողմէ բերուած քարակտոր մը, որ Առաջնորդ Սրբազանին կողմէ օրհնուելէն ետք պիտի զետեղուէր իբրեւ խորհրդանշական ենթահող՝ կառուցուելիք փակ մարզադաշտին համար: Այս քարը կը խորհրդանշէ մեր պապերուն հաւատքը, եւս առաւել անոնց հայրական հսկողութիւնը՝ Ազգ. Մեսրոպեան վարժարանի համալիրին եւ անոր ազգային, կրթական, ընկերային, մարզական եւ մշակութային գործունէութեանց վրայ:

Արդարեւ, Ազգ. Մեսրոպեան վարժարանը, մասնաւորաբար արեւելեան Լոս Անճելըսի եւ հարաւային բաժնի հայ ժողովուրդի կեանքէն ներս կրթական եզակի կառոյց մըն է, ուր մանուկներ, պատանիներ, երիտասարդներ հայեցի քրիստոնէական առողջ ու ամբողջական կրթութիւն եւ դաստիարակութիւն կը ստանան: Այս նոր մարզադաշտի շինութիւնը կու գայ յաւելեալ ուշադրութիւն մը պարգեւելու Ազգ. Մեսրոպեան վարժարանի յաղթական ծրագիրներուն:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022

ԼՈՒՐԵՐՈՒ ԱՐԽԻՒ