Ղպտիներու Առաջնորդը Այցելեց Թորգոմ Եպս. Տօնոյեանի

Երեքշաբթի, 11 Յունուար 2022-ի յետմիջօրէին, Հարաւային Քալիֆորնիոյ եւ Հաուայի ղպտիներու Առաջնորդ՝ Սերաֆիոն Եպիսկոպոս, Ամանորի եւ Ս. Ծննդեան առիթով եղբայրական շնորհաւորական այցելութիւն մը տուաւ Ազգային Առաջնորդարան եւ մտերմիկ զրոյց մը ունեցաւ Արեւմտեան Թեմի առաջնորդ՝ Գերշ. Տ. Թորգոմ Ս. Եպս. Տօնոյեանի հետ:

Բարի գալուստի խօսքին մէջ, Թորգոմ Եպս. անդրադարձ կատարեց հայ եւ ղպտի եկեղեցիներու դարաւոր եղբայրութեան եւ երկու ժողովրդեանց հաւատքի միութեան մասին՝ աղօթելով, որ երկու ժողովուրդները միշտ կապուած մնան իրենց քրիստոնէական սկզբունքներուն եւ արժէքներուն:

Իր կարգին, Սերաֆիոն Եպս. շնորհակալութիւն յայտնեց Ազգ. Առաջնորդարան իր կատարած այցելութեան գծով, ապա վեր առաւ հայ եւ ղպտի եկեղեցիներու անցեալ դարերու համագործակցութեան ոգին, իսկ ապագայի նկատմամբ շեշտեց միացեալ յաջողութիւններ արձանագրելու կարեւորութիւնը, վասն Քրիստոնեայ Եկեղեցւոյ անսասանութեան:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022