Հոգեւոր Տէրը Այցելեց Արեւմտեան Թեմի Ազգային Առաջնորդարան

Կիրակի, 29 Մայիս 2022-ի երեկոյեան, Հայ Կաթողիկէ Ամենապատիւ եւ Գերերջանիկ Տ.Տ. Ռաֆայէլ Պետրոս 21-րդ Պատրիարքը, ընկերակցութեամբ Հայ Կաթողիկէ Առաջնորդ Արհ. Տ. Միքայէլ Եպս. Մուրատեանի եւ վարդապետներու, պաշտօնական այցելութիւն տուաւ Ա.Մ.Ն. Արեւմտեան Թեմի Ազգ. Առաջնորդարան, ուր դիմաւորուեցաւ Առաջնորդ՝ Գերշ. Տ. Թորգոմ Ս. Եպս. Տօնոյեանի, Գերշ. Տ. Եփրեմ Ս. Արք. Թապագեանի եւ Գերշ. Տ. Մուշեղ Ս. Արք. Մարտիրոսեանի կողմէ:

Ա.Մ.Ն. իր այցելութեան առիթով, Հոգեւոր Տէրը Ազգ. Առաջնորդարանին մէջ ներկայ եղաւ ի պատիւ իրեն կազմակերպուած ընթրիքին, սեղանակից ունենալով Հայ Եկեղեցւոյ Սրբազան Արքեպիսկոպոսներ, Կրօնական ժողովի անդամներ, Ազգ. վարչութեան եւ Ազգ. Կեդր. վարչութեան անդամներ իրենց կողակիցներով ու Ազգ. Առաջնորդարանի Տիկնանց օժանդակ մարմինի անդամներ:

Առաջնորդ Սրբազանին կողմէ կազմակերպուած երեկոյի ընթացքին, Թորգոմ Եպս. Տօնոյեան առաջին հերթին Ամենապատիւ Պատրիարքին փոխանցեց Ն.Ս.Օ.Տ.Տ. Արամ Ա. Սրբազնագոյն Կաթողիկոսի եղբայրական ողջոյնները, ապա հանդէս եկաւ դրուատիքի խօսքերով եւ շնորհակալութիւն յայտնեց Հայ Կաթողիկէ հայութեան հոգեւոր ներկայացուցիչին ու իր շքախումբին, Ազգ. Առաջնորդարան իրենց այցելութեան համար, միաժամանակ յայտնելով հաւատք ու յոյս, որ հայրենիքի ու ազգի կեանքէն ներս առկայ բազում տագնապներ, հաւաքական աղօթքով ու ճիգերով, հետզհետէ կը մեղմանան ու իրենց բարւոք լուծման կը յանգին:

Իր կարգին, Հոգեւոր Տէրը երախտագէտ սրտով շնորհակալութիւն յայտնեց Առաջնորդ Սրբազանին՝ կազմակերպած շքեղ ընդունելութեան համար, ապա բոլոր ներկաներուն մաղթեց ուժ եւ կորով, իրենց եկեղեցական ու ազգային ծառայութեանց մէջ:

Այս առիթով, աւուր պատշաճի խօսք արտասանեցին նաեւ Գերապայծառը եւ Ազգ. Կեդրոնական վարչութեան անդամ Վահէ Եագուպեան:

Ընթրիքի աւարտին, Առաջնորդ Սրբազանը գեղեցիկ յուշանուէր մը յանձնեց Հոգեւոր Տիրոջ: Երեկոյին, գեղարուեստական յայտագրով հանդէս եկան թենոր Պերճ Քիրազեան եւ դաշնակահարուհի Արմինէ Տէրտէրեան:

Յայտնենք, որ Առաջնորդ Սրբազանը Ուրբաթ, 27 Մայիսի երեկոյեան, Հայ Կաթողիկէ Ս. Գրիգոր Լուսաւորիչ եկեղեցւոյ մէջ ներկայ գտնուեցաւ Հոգեւոր Տիրոջ «Հրաշափառ»ի արարողութեան, իսկ Շաբաթ, 4 Յունիսին, ան ներկայ պիտի գտնուի Կաթողիկէ Պատրիարքին ի պատիւ կազմակերպուած պաշտօնական ընդունելութիւն-ընթրիքին:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022