Տէր Եւ Տիկին Պետիկ Եւ Մարօ Ֆերմանեան 100,000 Տոլար Կը Նուիրեն Կաթողիկոսարանի Դպրեվանքին

Երեքշաբթի, 8 Յունիս 2021ի յետմիջօրէին, Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան ընդունեց այցելութիւնը Արեւմտեան Թեմի նուիրեալ բարերարներէն՝ Մեծի Տանն Կիլիկիոյ Հայրապետական Աթոռոյ հոգեւոր զաւակներ՝ Տէր եւ Տիկին Պետիկ եւ Մարօ Ֆերմանեաններու, որոնք եկած էին Առաջնորդ Սրբազանին մօտ, որպէսզի բարոյականի կողքին իրենց նիւթական լիաբուռն աջակցութիւնը յայտնեն Կիլիկիոյ Կաթողիկոսութեան: Այս առիթով Ֆերմանեան ամոլը սրտաբուխ կերպով Դպրեվանքին նուիրեց հարիւր հազար ($100,000) տոլար:

Առաջնորդ Սրբազան Հայրը բարձր գնահատեց Տէր եւ Տիկին Պետիկ եւ Մարօ Ֆերմանեանները, որոնք մնայուն կերպով ե՛ւ բարոյապէս, ե՛ւ նիւթապէս սատար կը հանդիսանան՝ ընդհանրապէս մեր գաղութի գործունէութեանց եւ մասնաւորաբար Արեւմտեան Թեմի առաքելութեան: Սրբազան հայրը բարերար ամոլին ցուցաբերած հոգածութիւնն ու նորագոյն այս նուիրատուութիւնը նկատեց յարգանքի ու սիրոյ յոյժ ողջունելի գործնական ընթացք, յատկապէս երբ անոնք կ՛ունենան բարի տրամադրութիւնը Աստուծոյ կողմէ իրենց տրուած բաժինէն նուիրելու նաեւ ազգի հոգեւոր դարբնոց՝ Կիլիկիոյ Կաթողիկոսութեան Դպրեվանքին:

Ֆերմանեան զոյգը, իր կարգին, որդիաբար արեւշատ օրեր մաղթեց Վեհափառ Կաթողիկոսին՝ Ն.Ս.Օ.Տ.Տ. Արամ Ա. Սրբազնագոյն Հայրապետին՝ հաւատալով, որ Դպրեվանքէն կը շարունակեն դուրս գալ նուիրեալ հոգեւորականներ, որոնք ի սփիւռս աշխարհի իրենց ծառայութիւնը կը բերեն մեր ժողովուրդի հոգեւոր պապակները յագեցնելու աստուածահաճոյ գործին:

Հուսկ, Ֆերմանեան ամոլը շնորհակալութիւն յայտնեց Առաջնորդ Սրբազան Հօր՝ եզակի այս առիթը ստեղծելուն եւ առաջնորդողի դերակատարութեան համար։

 

 

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022