Նոր Տարուան եւ Ս. Ծննդեան Տօնական Երեկոյ Կլենտէյլի Ս. Աստուածածին Եկեղեցւոյ Մէջ

Նոր Տարուան եւ Ս. Ծննդեան սեմին, Չորեքշաբթի, 18 Դեկտեմբեր 2019-ին, Կլենտէյլի Ս. Աստուածածին եկեղեցւոյ յարկին տակ տեղի ունեցաւ տօնական երեկոյ մը, հովանաւորութեամբ եւ ներկայութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի։

Յայտագիրը սկիզբ առաւ Առաջնորդական փոխանորդ Գերշ. Տ. Թորգոմ Եպս. Տօնոյեանի Աստուածաշունչի սերտողութեամբ։ Ան ընդհանուր գիծերու մէջ խօսեցաւ Ամանորի ու Ս. Ծննդեան զոյգ տօներու մասին եւ անոնց ետին կանգնող բուն խորհուրդին՝ մարդկութեան բերած Աստուածորդիին աւետիսին։ Սրբազան Հայրը ընդգծեց, որ այս տօնական մթնոլորտը առիթ է վերանորոգման, նոր էջ բանալու եւ հաշտուելու նախ մեր անձին, Աստուծոյ եւ ապա մեր նմանին հետ։

Ապա, Համազգայինի Կլենտէյլի մասնաճիւղի «Արփա» երգչախումբը, խմբավարութեամբ Տիար Էլիպս Մասեհեանի, ներկայացուց Նոր Տարուան եւ Ս. Ծննդեան նուիրուած համերգ մը։

Աւարտին, Առաջնորդ Սրբազանը փոխանցեց իր օրհնութեան խօսքը։ Ան գնահատեց յայտագիրի բոլոր մասնակիցները, ապա, խօսելով Ամանորի եւ Ս. Ծննդեան մասին, նշեց, որ իւրաքանչիւր տօնախմբութիւն մեզմէ իւրաքանչիւրին համար ո՛չ միայն ոգեկոչման առիթ պէտք է ըլլայ, այլ զԱստուած փառաբանելու, Անոր լոյսով լուսաւորուելու, խաղաղութեամբ ու զեղուն սիրով վերանորոգուելու եւ Իր Ս. Ծննդեան պարգեւն ու երկնային ողորմութիւնը վերապրելու։ Առաջնորդ Սրբազանը իր խօսքը եզրափակեց սրտագին բարեմաղթութիւններ փոխանցելով հաւատաւոր ժողովուրդին։

Այնուհետեւ, եկեղեցւոյ շրջափակին մէջ տեղի ունեցաւ տօնածառի եւ մսուրի լուսաւորումը, ձեռամբ Առաջնորդ Սրբազան Հօր, ապա հիւրասիրութիւն՝ «Արմենակ Տէր Պետրոսեան» սրահին մէջ։

Print Friendly, PDF & Email

ՎԵՐՋԻՆ ԼՈՒՐԵՐ

Ուսումնական 2021-2022 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Հովուական գուրգուրանքով եւ հայրական ջերմ սիրով Արեւմտեան Թեմի Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը,... [...]

Կոչ Լիբանանահայութեան Զօրակցութեան

Ն.Ս.Օ.Տ.Տ. Արամ Ա. Վեհափառ Կաթողիկոսի՝ լիբանանահայութեան զօրավիգ կանգնելու համար մեզի ուղղուած կոչին ընդառաջ, այսու պաշտօնապէս բացուած կը յայտարարենք մեր նախագահութեամբ... [...]

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

September 19, 2021 September 12, 2021