Նոր Տարուան եւ Ս. Ծննդեան Համերգներ-Տօնախմբութիւններ՝ Թեմիս Եկեղեցիներէն Ներս

Քանի մը շաբաթէն պիտի դիմաւորենք 2020 Նոր Տարին եւ պիտի տօնախմբենք մեր տիրոջ Յիսուս Քրիստոսի Ս. Ծննդեան եւ Աստուածայայտնութեան տօնը, մինչ տօնական օրերու խայտանքով եւ ուրախութեամբ կը լեցուին Ազգային Առաջնորդարանն ու յարակից ծուխերը։

Չորեքշաբթի, 18 Դեկտեմբեր 2019-ին, երեկոյեան ժամը 7:00-ին, Կլենտէյլի Ս. Աստուածածին եկեղեցւոյ յարկին տակ տեղի պիտի ունենայ տօնական երեկոյ մը, հովանաւորութեամբ եւ ներկայութեամբ բարեխնամ Առաջնորդ Բարձր. Տ. Մուշեղ Արք. Մարտիրոսեանի։

Առաջնորդական փոխանորդ Գերշ. Տ. Թորգոմ Եպս. Տօնոյեան պիտի կատարէ Աստուածաշունչի սերտողութիւն, որմէ ետք Համազգայինի Կլենտէյլի մասնաճիւղի »Արփա« երգչախումբը, խմբավարութեամբ Տիար Էլիպս Մասեհեանի, պիտի ներկայացնէ տօնական համերգ մը։ Աւարտին, Առաջնորդ Սրբազանը պիտի փոխանցէ իր օրհնութեան խօսքը։ Այնուհետեւ, եկեղեցւոյ շրջափակին մէջ տեղի պիտի ունենայ տօնածառի լուսաւորում, ապա հիւրասիրութիւն՝ »Արմենակ Տէր Պետրոսեան« սրահին մէջ։

Իսկ Ուրբաթ, 20 Դեկտեմբերին, երեկոյեան ժամը 7:30-ին, Փասատինայի Ս. Սարգիս եկեղեցւոյ մէջ տեղի պիտի ունենայ Ս. Ծննդեան տօնին նուիրուած երրորդ տարեկան հոգեւոր համերգը, հովանաւորութեամբ եւ ներկայութեամբ Առաջնորդ Սրբազան Հօր։ Ելոյթ պիտի ունենայ եկեղեցւոյ դպրաց դասի երգչախումբը, խմբավարութեամբ դպրապետ Բարշ. Երուանդ Սրկ. Քէշիշեանի, որոնք պիտի ներկայացնեն Ս. Ծննդեան շարականներ ու երգեր։

Print Friendly, PDF & Email

ՎԵՐՋԻՆ ԼՈՒՐԵՐ

Ուսումնական 2021-2022 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Հովուական գուրգուրանքով եւ հայրական ջերմ սիրով Արեւմտեան Թեմի Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը,... [...]

Կոչ Լիբանանահայութեան Զօրակցութեան

Ն.Ս.Օ.Տ.Տ. Արամ Ա. Վեհափառ Կաթողիկոսի՝ լիբանանահայութեան զօրավիգ կանգնելու համար մեզի ուղղուած կոչին ընդառաջ, այսու պաշտօնապէս բացուած կը յայտարարենք մեր նախագահութեամբ... [...]

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

September 19, 2021 September 12, 2021