«Հայ Մամուլի Տարուան» առիթով, Կիրակի, 27 Հոկտեմբեր 2019-ին, Էնսինոյի Ազգ. Ֆերահեան վարժարանի «Աւետիսեան» սրահէն ներս տեղի ունեցաւ գեղարուեստական երեկոյ մը նուիրուած «Ասպարէզ» օրաթերթին։ «Նոր Տաղանդներ» խորագիրով ձեռնարկը կազմակերպուած էր ՀՕՄ-ի «Անահիտ» եւ «Լոռի» եւ Համազգայինի «Պարոյր Սեւակ» եւ «Լեւոն Շանթ» մասնաճիւղերու կողմէ։
Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, Արժ. Տ. Ղեւոնդ Քհնյ. Քիրազեան ներկայ եղաւ եւ կատարեց փակման աղօթքը։
Գլխաւոր բանախօսն էր «Ասպարէզ» օրաթերթի խմբագիր Տիար Արման Պաղտոյեան, իսկ երիտասարդ արուեստագէտներ հանդէս եկան երգով, պարով, նուագով եւ ասմունքով։