Մեր հաւատացեալ ժողովուրդին կը յայտնենք, որ Հայաստանի հանրապետութեան վերանկախացման 27-րդ տարեդարձին առիթով, Կիրակի, 23 Սեպտեմբեր 2018-ին, Թեմիս բոլոր եկեղեցիներուն մէջ, յընթացս Ս. Պատարագի, տեղի պիտի ունենայ Հանրապետական Մաղթանք եւ Եռագոյն դրօշի օրհնութիւն։
Կոչ կ’ուղղենք մեր ժողովուրդին, որ ներկայ ըլլայ արարողութեան ու աղօթք բարձրացնէ մեր հայրենիքի ու պետութեան անսասանութեան, ապահովութեան ու բարգաւաճման համար։