Կաթողիկէ եկեղեցւոյ աւագ Chaplain Իվ Օրթիզի հրաւէրով, Շաբաթ, 30 Ապրիլին, Էնսինոյի Our Lady of Grace եկեղեցւոյ սրահին մէջ տեղի ունեցաւ Լինվուտի բանտի բանտարկեալներուն ծառայութիւն մատուցողներու առաջին հաւաքը: Յանուն մեր Թեմին, մասնակցութիւն բերաւ Բարշ. Րաֆֆի Սրկ. Կարապետեան, որ հոգեւոր ծառայութիւններ կը մատուցէ Լոս Անճելըսի շրջանի հայ բանտարկեալներու:
Համախմբումին նպատակն էր առիթ տալ իւրաքանչիւր ծառայողի, որ իր փորձառութիւններուն բաժնեկից ընէ միւսները: Փակման աղօթքը կատարեց Րաֆֆի Սարկաւագ, որ ներկաներուն հաղորդեց, թէ Թեմիս բարեխնամ Առաջնորդը յատուկ հոգածութիւն կը ցուցաբերէ բանտարկեալներուն նկատմամբ եւ հոգեւոր հովիւներ ու ծառայողներ նշանակած է, որպէսզի հոգեւոր մատակարարութիւն տրամադրեն բանտարկեալներու:
