Ուրբաթ, 3 Փետրուարի երեկոյեան, ՀՕՄի Միացեալ Նահանգներու Արեւմտեան Շրջանային Վարչութեան տարեկան ճաշկերոյթը տեղի ունեցաւ «Տաղլեան» սրահին մէջ։
Առաջնորդ Սրբազանը ներկայ եղաւ ձեռնարկին, բացման աղօթքը կատարեց եւ իր օրհնութիւններն ու գնահատանքը փոխանցեց կազմակերպութեան նուիրեալ անդամներուն։
Ձեռնարկը սկսաւ քայլերգներու երգեցողութեամբ, կատարողութեամբ թենոր Ռաֆֆի Քերպապեանի։ Բացման եւ ողջոյնի խօսքը արտասանեց ձեռնարկի կազմակերպիչ յանձնախումբի Ատենապետուհին՝ Տիկին Քրիսթին Յովնանեանը։ Հանդիսավարն էր Տիկին Ալիս Պետրոսեան։ ՀՕՄ-ի Շրջանային Վարչութեան խօսքը արտասանեց Ատենապետուհին՝ Տիկին Ռեբեկա Պէրպէրեանը։ Ձեռնարկի ընթացքին ցուցադրուեցաւ տեսաժապաւէն մը եւ տեղի ունեցաւ մոմավառութիւն։