Առաջնորդ Սրբազան Ներկայ Եղաւ Հ.Մ.Ը.Մ.-ի «Յաղթանակի Պարահանդէս»ին


Շաբաթ, 24 Յունիսին, «Պեւըրլի Հիլթըն» պանդոկին մէջ տեղի ունեցաւ Հ.Մ.Ը.Մ.-ի «Նաւասարդեան» 42-րդ մարզախաղերու առիթով «Յաղթանակի Պարահանդէս»ը։ Ներկայ էին Հ.Յ.Դ. Արեւմտեան Միացեալ Նահանգներու Կեդրոնական Կոմիտէի, Հ.Մ.Ը.Մ.-ի Կեդրոնական եւ Արեւմտեան Միացեալ Նահանգներու Շրջանային Վարչութեան եւ մասնաճիւղերու անդամներ, Ազգային Վարչութեան անդամներ, այս տարուան պատուոյ նախագահ Տէր եւ Տիկին Վիգէն եւ Նոնօ Աբէլեան ամոլը եւ նախկին պատուոյ նախագահներ, «Տիպար Հ.Մ.Ը.Մ.-ական»ի պատիւին արժանացող Տոքթ. Շահէ Ենիգոմշեան, բարերարներ եւ բարեկամներ։

Առաջնորդ Սրբազանը ներկայ եղաւ ճաշկերոյթին, կատարեց բացման աղօթքը եւ փոխանցեց իր բարեմաղթութիւնները։ Առաջնորդ Սրբազան Հօր կ’ընկերանային Առաջնորդական Փոխանորդ Գերպ. Տ. Թորգոմ Ծ. Վրդ. Տօնոյեանն ու Արժ. Տ. Ռազմիկ Աւ. Քհնյ. Խաչատուրեան։

Իր խօսքին մէջ, Առաջնորդ Սրբազանը գնահատեց Հ.Մ.Ը.Մ.-ի Կեդրոնական, Շրջանային վարչութեանց, սկաուտական խորհուրդի պատասխանատուներուն ու անդամներուն, մասնաճիւղերու ծառայողներուն ու բոլոր կամաւորներուն, որոնց ձեռքերուն միացումով յառաջ կը տարուի Հ.Մ.Ը.Մ.-ի գործը։ Ան վեր առաւ երբայրական սիրոյ եւ գործակցութեան այն ոգին, որ կը տիրապետէ ծառայողներու աշխատանքի դաշտերուն մէջ, ի խնդիր երիտասարդութեան հոգեկան ու մտաւոր զարգացման, ազգային աւանդութեանց պահպանման ու «Նաւասարդեան» խաղերուն իրականացման, որ յաջողութեամբ կ’ընթանայ նաեւ այս տարի։

Առաջնորդ Սրբազանը դրուատիքով արտայայտուեցաւ այս տարուան «Նաւասարդեան»ներու պատուոյ նախագահին, Տիպար Հ.Մ.Ը.Մ.-ականին եւ բոլոր բարերարներուն ու սատարողներուն նուիրումին ու զօրակցութեան մասին, միաժամանակ ողջունելով նախկին պատուոյ նախագահները։ Նկատի ունենալով, որ Հ.Մ.Ը.Մ. կը կանգնի իր 100-ամեակի սեմին, իսկ 2017-ը հռչակուած է Վերանորոգումի Տարի, Առաջնորդ Սրբազանը աղօթք բարձրացուց, որ բոլոր նուիրեալները իրենց ծառայութիւնները շարունակեն վերանորոգ կենսունակութեամբ ու հաւատքով, ի սպաս մեր ազգին ու մասնաւաւորաբար երիտասարդ սերունդին, մաղթելով, որ Հ.Մ.Ը.Մ.ի արձանագրէ նոր յաջողութիւններ ու նուաճումներ։

Ողջոյնի խօսք արտասանեց Հ.Մ.Ը.Մ.-ի Շրջ. Վարչութեան ատենապետ Տիար Մանուէլ Մարսէլեան։ «Նաւասարդեան» խաղերուն ու Հ.Մ.Ը.Մ.-ի 100-մեակի յառաջիկայ տարեդարձին մասին ժապաւէն մը ցուցադրուեցաւ։ Խօսք առին նաեւ այս տարուան խաղերու պատուոյ նախագահն ու Տիպար Հ.Մ.Ը.Մ.-ականը։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022