Առաջնորդ Սրբազանը Երեքշաբթի, 2 Յունիսի կէսօրին ներկայ եղաւ “Արարատ” Տան Տիկնանց Օժանդակ Մարմինի ամսական ճաշկերոյթին, որ ըստ աւանդութեան, այս ամիս տեղի կþունենար ՀՕՄի Շրջանային Վարչութեան հիւրընկալութեամբ:
Սեղաններու օրհնութենէն ետք, Առաջնորդ Սրբազանը գնահատանքով արտայայտուեցաւ “Արարատ” Տան վարչութեան ու անձնակազմի նուիրեալ ծառայութիւններուն մասին, որոնք ի սպաս կը դրուին մեր տարեց սերունդի անդամներու: Ան նաեւ գնահատեց ՀՕՄի նման կազմակերպութիւններ ու անհատ բարերարներ, որոնք զօրակից են այս հաստատութեան առաքելութեան: