Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Շաբաթ, 14 Յուլիսի յետմիջօրէին ընդունեց Հայաստանի Ազգային Ժողովի եւ Հ.Յ.Դ. Հայաստանի Գերագոյն Մարմինի անդամ Տիար Աղուան Վարդանեանի այցելութիւնը։
Հանդիպումը տեղի ունեցաւ Ս. Նահատակաց եկեղեցւոյ »Եղիա Սարաֆեան« դահլիճին մէջ։ Հայրենի հիւրին կþընկերանար Հ.Յ.Դ. Արեւմտեան Միացեալ Նահանգներու Կեդրոնական Կոմիտէի անդամ Տոքթ. Վիգէն Եագուպեան։ Առաջնորդ Սրբազանին կողքին, հանդիպումին ներկայ եղան Ս. Նահատակաց եկեղեցւոյ հոգեւոր հովիւ Արժ. Տ. Ռազմիկ Քհնյ. Խաչատուրեան եւ Ազգ. Վարչութեան անդամներէն Տոքթ. Տիգրան Պապիկեան։ Տիար Աղուան Վարդանեան անցեալին այցելութիւն տուած է Ազգային Առաջնորդարան եւ անձամբ ծանօթ է Առաջնորդ Սրբազանին։
Խորհրդակցութիւնները ընդգրկեցին Հայաստանի այժմու իրադարձութիւններն ու ընկերային հասարակական կեանքը, որոնց մասին հիւր պատգամաւորը տուաւ որոշ լուսաբանութիւններ։ Առաջնորդ Սրբազանը, իր կարգին, տեղեկութիւններ փոխանցեց մեր Թեմի աշխատանքներուն, ծառայական կեանքին ու ծրագիրներուն մասին, վերահաստատելով մեր ժողովուրդին զօրակցութիւնը՝ մայր հայրենիքին ու ժողովուրդին։ Այս առիթով, Առաջնորդ Սրբազանը նաեւ Ազգ. Առաջնորդարանի հրատարակութիւններէն՝ Կարօ Պետրոսեանի »Հայեցի Կրթութիւն եւ Ճանապարհ« հատորէն եւ Վեհափառ Հայրապետի հովուապետական այցելութեան նուիրուած »Հոգեւոր Պրիսմակ«ի բացառիկ թիւէն օրինակներ յանձնեց Տիար Ա. Վարդանեանին։
