Ուրբաթ, 27 Սեպտեմբեր 2019-ին, Լիբանանի Թեմի Առաջնորդ Գերշ. Տ. Նարեկ Արք. Ալեէմէզեան այցելեց Ազգ. Առաջնորդարան եւ հանդիպեցաւ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի հետ։ Հանդիպումին ներկայ էր Ազգային Վարչութեան Ատենապետ՝ Տիար Կարօ Էշկիեան։
Հանդիպման ընթացքին արծարծուեցան Արեւմտեան Ամերիկայի եւ Լիբանանի Թեմերու առնչուող հարցեր, ինչպէս նաեւ խորհրդակցութիւն կատարուեցաւ Լիբանանի Թեմի Ազգ. վարժարաններուն զօրակցութիւն բերելու համար։ Այս նպատակով, այսօր, Սրբոց Նահատակաց եկեղեցւոյ «Տիգրանեան» սրահէն ներս մտերմիկ ճաշկերոյթ մը տեղի պիտի ունենայ, որուն ընթացքին հանգանականութիւն պիտի կատարուի՝ ի նպաստ Լիբանանի Թեմի Ազգ. վարժարաններուն։