Առաջնորդ Սրբազան Հօր Այցելութիւնը Լիբանանի Նորանշանակ Գլխաւոր Հիւպատոսին

Չորեքշաբթի, 18 Դեկտեմբեր 2019-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան այցելեց Լոս Անճելըսի մէջ Լիբանանի նորանշանակ գլխաւոր հիւպատոս Պէշիր Սարգիսին։ Առաջնորդ Սրբազան Հօր կ’ընկերակցէին Արժ. Տ. Մովսէս Քհնյ. Շաննագեան եւ Տիար Թորոս Քէչէճեան, որ Ազգային Վարչութեան նախկին անդամ է եւ ՀՅԴ Կեդրոնական Կոմիտէի ու Լիբանանի հիւպատոսարանի միջեւ գլխաւոր կապը։

Առաջնորդ Սրբազանը նախ շնորհաւորեց գլխաւոր հիւպատոսը իր նոր պաշտօնին նշանակման առթիւ եւ յաջողութիւն ու բարի երթ մաղթեց իր առաքելութեան մէջ։ Ան նաեւ Ամանորի եւ Ս. Ծննդեան իր սրտագին բարեմաղթութիւնները փոխանցեց եւ հրաւիրեց զինք՝ Յունուար 6-ին ներկայ գտնուելու Կլենտէյլի Ս. Աստուածածին եկեղեցւոյ մէջ Ս. Ծննդեան հանդիսաւոր Ս. Պատարագին եւ երեկոյեան Մոնթեպելլոյի մէջ կազմակերպուած «Առաջնորդ Սրբազան Հօր Նոր Տարուան եւ Ս. Ծննդեան Ընթրիք»ին։

Գլխաւոր հիւպատոսը իր կարգին շնորհակալութիւն յայտնեց Առաջնորդ Սրբազան Հօր իր այցելութեան եւ հրաւէրին, ինչպէս նաեւ պաշտօնի նշանակման կապակցութեամբ շնորհաւորական նամակին համար։ Ան նոյնպէս փոխադարձաբար բարեմաղթանքներ կատարեց Ամանորի եւ Ս. Ծննդեան առթիւ։

Այնուհետեւ, հանդիպումը առիթ հանդիսացաւ անդրադառնալու հայ-ամերիկեան եւ լիբանանեան-ամերիկեան համայքներու միջեւ համերաշխութեան, բարեկամութեան եւ համագործակցութեան։ Խօսելով Լիբանանի մէջ տիրող ներկայ իրավիճակին մասին, Առաջնորդ Սրբազանն ու գլխաւոր հիւպատոսը մաղթեցին, որ խաղաղութիւնն ու կայունութիւնը վերստին տիրեն, իսկ երկիրը շարունակէ բարգաւաճիլ ու ծաղկիլ։

Հանդիպման աւարտին, Առաջնորդ Սրբազանը գլխաւոր հիւպատոսին նուիրեց «Մեծի Տանն Կիլիկիոյ Կաթողիկոսութիւն. Պատմութիւն, Գանձեր եւ Առաքելութիւն» խորագրեալ պատկերազարդ հատորը։

Print Friendly, PDF & Email

ՎԵՐՋԻՆ ԼՈՒՐԵՐ

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 20, 2021 June 13, 2021