Յիսուս Քրիստոսի Թաղման Կարգը՝ Յոյսը Յարութեան


Ուրբաթ, 18 Ապրիլի 2014ի երեկոյեան, հազարաւոր հաւատացեալ հայորդիներ ողողեցին մեր Թեմի եկեղեցիները եւ երկիւղածութեամբ մասնակցեցան Քրիստոսի թաղման կարգի արարողութեան, յուզումնալից շարականներու երգեցողութեամբ։ Հաւատացեալ ժողովուրդը ծաղիկներով զարդարուած Քրիստոսի գերեզմանին մէջ Յարութեան լոյսի յոյսը տեսաւ եւ ապրեցաւ ու երկիւղածութեամբ ծնրադրեց անոր դիմաց։

Թեմիս Բարեխնամ Առաջնորդ Բարձր. Տ. Մուշեղ Ս. Արք. Մարտիրոսեան հանդիսապետեց Մոնթեպելլոյի Ս. Խաչ Մայր Տաճարի Թաղման Կարգի արարողութեան։ Իր պատգամին մէջ, Առաջնորդ Սրբազանը վեր առաւ մեր Փրկչին զոհագործութեան խորհուրդը եւ մարդկութեան հանդէպ ունեցած սիրոյն տարողութիւնը ու Հօր Աստուծոյ կամքին հնազանդութեան կատարելութիւնը։ Ապա, կոչ ուղղեց հաւատացեալներուն գիտակցելու խաչի խորհուրդին եւ անոր զօրութեան։ Իսկ Քրիստոսի թաղման եւ գերեզմանի խորհուրդը վերբերելով, Առաջնորդ Սրբազանը յայտնեց որ մեր Փրկչին երկրաւոր առաքելութիւնը վերջ տալ փորձողները սխալեցան, որովհետեւ նոյն գերեզմանը մեզի բերաւ լոյս, յաղթանակ, Յարութիւն եւ կեանք։

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 7, 2022 July 31, 2022