Առաջնորդ Սրբազան Հայրը Յառաջացուց Սարկաւագաց Համախմբում

Չորեքշաբթի, 12 Մայիս 2021ին գումարուած Կրօնական 10-րդ ժողովի ընթացքին Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան յառաջացուց Սարկաւագաց համախմբում, որուն պատասխանատու նշանակեց Արժ. Տ. Մովսէս Քհնյ. Շաննագեանը, իսկ յանձնախումբի անդամներ՝ բարեշնորհ սարկաւագներ Ժագ Նալճեանը, Սուրէն Հազարեանը, Երուանդ Քէշիշեանը եւ Թուխման Խաչատուրեանը:

Երեքշաբթի, 18 Մայիս 2021, առաւօտեան ժամը 11-ին, Առաջնորդ Սրբազան Հայրը Ազգային Առաջնորդարանին մէջ ընդունեց պատասխանատու Քահանայ հայրը եւ յանձնախումբի անդամ սարկաւագները, ապա անոնց փոխանցեց իր ցուցմունքները, որպէսզի անհրաժեշտ գործունէութիւնը սկսին ծաւալել Սարկաւագաց համախմբումի ծիրէն ներս:

Այս յանձնախումբին պարտականութիւնն է կազմակերպել Սարկաւագաց եկեղեցական արարողութիւններ, դասախօսական եւ լսարանային շարքեր ու համագումարներ, որոնց ընթացքին Արեւմտեան Ամերիկայի մեր ծխական համայնքներէն ներս գործող սարկաւագները առիթ պիտի ունենան քով-քովի գալու, իրարու հետ մօտէն առնչուելու, եղբայրաբար իրենց փորձառութիւնները կիսելու, ինչպէս նաեւ նոր գիտելիքներ եւ ուսուցման արդի հնարքներ ձեռք ձգելու:

Յայտնենք, որ այս համախմբումին մաս կը կազմեն Արեւմտեան Թեմէն ներս գործող բոլոր սարկաւագներն ու ուրարակիրները:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022