Ս. Ստեփանոս Նախասարկաւագի Տօնին՝ Առաջնորդ Սրբազանը Պիտի Հանդիսապետէ Փասատինայի Ս. Սարգիս Եկեղեցւոյ Ս. Պատարագին

Հայաստանեայց Առաքելական Ս. Եկեղեցւոյ տօնացոյցին համաձայն, Երեքշաբթի, 24 Դեկտեմբեր 2019ը տօնն է Ս. Ստեփանոս նախասարկաւագին եւ առաջին մարտիրոսին, որ նաեւ տօնն է սարկաւագներու եւ Ս. Խորանին սպասարկողներուն։

Թեմիս եկեղեցիներէն ներս, Ս. Ստեփանոսի տօնը պիտի նշուի Կիրակի, 22 Դեկտեմբերին։ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան պիտի հանդիսապետէ Փասատինայի Ս. Սարգիս Եկեղեցւոյ Ս. Պատարագին, պիտի ուղղէ իր պատգամը վեր առնելով Ս. Ստեփանոս Նախավկայի վարքն ու ծառայութիւնը, եւ պիտի օրհնէ սարկաւագներն ու Ս. Խորանի սպասարկողները։

Իսկ Առաջնորդական փոխանորդ Գերշ. Տ. Թորգոմ Եպս. Տօնոյեան պիտի պատարագէ եւ քարոզէ Կլենտէյլի Ս. Աստուածածին եկեղեցւոյ մէջ։

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 7, 2022 July 31, 2022