Առաջնորդ Սրբազան Այցելեց Ս. Սարգիս Եկեղեցւոյ Ս. Գրային Ամառնային Վարժարանը


Հինգշաբթի, 9 Յուլիս 2015ի կէսօրին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան այցելեց Փասատինայի Ս. Սարգիս Եկեղեցւոյ Ս. Գրային ամառնային վարժարանը եւ դիմաւորուեցաւ հոգեւոր հովիւին՝ Արժ. Տ. Պօղոս Քհնյ. Պալթայեանի, հոգաբարձութեան անդամներու եւ ուսուցիչներու կողմէ: Սրբազան Հօր կ’ընկերանար Արժ. Տ. Նարեկ Աւ. Քհնյ. Փեհլիվանեան։ Ներկայ էր նաեւ Ազգ. Վարչութեան անդամներէն Տիկին Թերէզ Քեմանճեան:

Աշակերտները մէկ շաբթուան կարճ ժամանակամիջոցի մը մէջ պատրաստած էին գեղարուեստական յայտագիր մը, աղօթքներով, երգերով, նուագով եւ արտասանութիւններով: Նշենք, որ այս տարի, 3էն 14 տարեկան աւելի քան 50 աշակերտներ կը մասնակցին ամառնային դասընթացքին, որ հովիւին, հոգաբարձութեան եւ Կիրակնօրեայ Վարժարանի տեսչութեան կողմէ կազմակերպուած է յաջորդաբար չորրորդ տարին ըլլալով: Մանուկ եւ պատանի աշակերտներ չորս շաբթուան ընթացքին, 6էն մինչեւ 31 Յուլիս, առաւօտեան ժամը 9էն մինչեւ յետմիջօրէի ժամը 2, կը հետեւին դաստիարակչական եւ հաճելի ծրագիրի մը, կը ստանան հոգեւոր սնունդ, կը սորվին երգեր ու շարականներ, կ’ունենան խաղի ու դաստիարակչական ժամանցի պահեր:

Հոգեւոր Հովիւին եւ տեսչուհիին ողջոյնի խօսքերէն ետք, Առաջնորդ Սրբազանը գնահատանքով արտայայտուեցաւ աշակերտներուն մատուցած յայտագիրին մասին, ինչպէս նաեւ դրուատեց հոգեւոր հովիւն ու դաստիարակները, ապա աշակերտներուն սորվեցուց «Տէր Ողորմեա»ն:

Այնուհետեւ, պատգամ մը ուղղելով աշակերտներուն, ան հասկնալի ոճով պատմեց որ Կիրակի, 12 Յուլիսին, մեր եկեղեցին պիտի տօնէ Քրիստոսի Այլակերպութեան տօնը: Ան հակիրճ կերպով բացատրեց աշակերտներուն հետ Քրիստոսի Թափօր լեռ բարձրանալն ու հոն տեղի ունեցած գեղեցիկ դէպքը, վեր առաւ անոր խորհուրդը, ինչպէս նաեւ բացատրեց աղօթքին կարեւորութիւնը՝ իւրաքանչիւր քրիստոնեայի կեանքին մէջ: Ան աշակերտները յորդորեց Աստուծոյ դիմելու մեր սրբազան հայրապետներուն գրած աղօթքներուն բառերով, ինչո՞ւ չէ նաեւ իրենց անձնական բառերով աղօթելով:

Աւարտին, Առաջնորդ Սրբազանը պատասխանեց աշակերտներուն հարցումներուն եւ անոնց հետ ունեցաւ մտերմիկ զրոյց:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022