Առաջնորդ Սրբազանը Ընդունեց ՀՕՄ-ի 100-ամեայ «Մայր» Մասնաճիւղի Վարչութեան Այցելութիւնը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Չորեքշաբթի, 17 Յունուար 2018-ի առաւօտուն, Ազգ. Առաջնորդարանի «Սիւլահեան» դահլիճին մէջ ընդունեց այցելութիւնը Հայ Օգնութեան Միութեան Հոլիվուտի «Մայր» մասնաճիւղի վարչութեան։ Հանդիպումին ներկայ եղաւ Առաջնորդական փոխանորդ Գերպ. Տ. Թորգոմ Ծ. Վրդ. Տօնոյեան։

ՀՕՄ-ական տիկինները Առաջնորդ Սրբազանն ու հոգեւոր հայրերը շնորհաւորեցին Նոր Տարուան եւ Ս. Ծննդեան տօնին առիթով ու մաղթեցին, որ 2018 տարին ըլլայ թեմական ու ազգային ծրագիրներու իրականացման յաջող տարեշրջան մը։ Անոնք նաեւ Առաջնորդ Սրբազանը պաշտօնապէս հրաւիրեցին մասնաճիւղի 100-ամեակի հանդիսութեան առիթով կազմակերպուած զոյգ ձեռնարկներուն՝ 4 Մարտին տօնակատարութիւն՝ Հոլիվուտի «Կարապետեան» սրահին մէջ, իսկ 17 Մարտին ճաշկերոյթ-պարահանդէս՝ «Տի Լաքս» սրահին մէջ։

Առաջնորդ Սրբազանը դրուատիքով խօսեցաւ ընդհանրապէս ՀՕՄ-ի ու մասնաւորաբար «Մայր» մասնաճիւղի ժողովրդանուէր եւ հայրենաշէն ծառայութիւններուն մասին, մանաւանդ, որ Թեմիս մէջ հոգեւոր ծառայութեան առաջին օրերէն իսկ մօտէն հետեւած է այս մասնաճիւղի գործունէութեան։ Ան օրհնեց ՀՕՄ-ականները եւ յաջողութիւն մաղթեց անոնց աշխատանքներուն ու իրականացում՝ բոլոր ծրագիրներուն։ Հրաժեշտի պահուն, Առաջնորդ Սրբազանը հիւր ՀՕՄ-ականներուն նուիրեց Ազգ. Առաջնորդարանի հրատարակութիւններէն՝ »Հաւատով Խոստովանիմ«էն օրինակներ։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022