Առաջնորդ Սրբազանը Ընդունեց Հայրենի Բեմադրիչ Ջիւան Աւետիսեանի Այցելութիւնը

Չորեքշաբթի, 13 Սեպտեմբեր 2017-ի կէսօրին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ազգ. Առաջնորդարանի իր գրասենեակին մէջ ընդունեց հայրենի արուեստագէտ եւ ժապաւէններու բեմադրիչ Ջիւան Աւետիսեանի այցելութիւնը։ Արուեստագէտը Լոս Անճելըս կը գտնուի իր նորագոյն գործին՝ «Վերջին Բնակիչը» ժապաւէնին ցուցադրութեան առիթով, որ կը սկսի Ուրբաթ, 15 Սեպտեմբերին։

Ջիւան Աւետիսեան ընդհանուր գիծերու մէջ բացատրութիւններ տուաւ ժապաւէնին նիւթին ու Արցախի հարցը պաստառ բարձրացնելու իր աշխատանքներուն մասին, աւելցնելով, որ յառաջիկայ օրերուն, հանդիպումներ պիտի ունենայ մեր գաղութի հայկական տարբեր միաւորներու հետ, պիտի այցելէ Ազգային Վարժարաններ, լուսաբանութիւն տալու համար ժապաւէնին ու անոր ցուցադրութիւնը ըստ կարելւոյն երկար ժամանակի վրայ ունենալու կարեւորութեան մասին։ Ան շնորհակալութիւն յայտնեց Առաջնորդ Սրբազանին, որ Ազգ. Վարժարաններու Խնամակալ Մարմինին ճամբով թելադրանք ուղղած էր մեր վարժարաններուն՝ քաջալերելու համար այս ժապաւէնը։ Նշենք, որ Հայրենի արուեստագէտը մէկէ աւելի ժապաւէններ պատրաստած է, արծարծելու համար Արցախի տագնապին ծալքերը։ Նախորդ ժապաւէնը՝ «Թեւանիկը», անցեալ տարի ցուցադրուած էր Լոս Անճելըսի մէջ։ Ան հաղորդեց նաեւ, որ շաբաթ մը առաջ, Վենետիկի ժապաւէններու փառատօնին, «Վերջին բնակիչը» ցուցադրուած է եւ իր դէմ գտած՝ ազերիական խեղաթիւրող հակազդեցութիւն։ Ներկայիս՝ կ’աշխատի նոր ժապաւէնի մը պատրաստութեան համար. խորագիրն է «Դրախտի Դարպասը» (Gate to Heaven).

Առաջնորդ Սրբազանը գնահատեց երիտասարդ արուեստագէտին աշխատանքն ու Արցախի հարցերը արուեստի լեզուով հայութեան ու մարդկութեան հասցնելու ճիգը եւ յաջողութիւն մաղթեց անոր յառաջիկայ ծրագիրներուն։

 

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

Sempetmber 25, 2022 Sempetmber 18, 2022