Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ուրբաթ, 11 Մայիսի յետմիջօրէին, ընդունեց այցելութիւնը Քալիֆորնիոյ Երիտասարդաց Միութեան վարչութեան ներկայացուցիչներւոն։
Վարչութեան ներկայացուցիչները Ազգ. Առաջնորդարան եկած էին Առաջնորդ Սրբազանը շնորհաւորելու համար վերընտրութեան առիթով։ Անոնք ընդհանուր գիծերու մէջ տեղեկութիւններ տուին միութեան աշխատանքերուն ու ծրագիրներուն մասին, յատկապէս ուրախութեամբ անդրադառնալով երգչախումբի ելոյթներուն։
Առաջնորդ Սրբազանը բարձր գնահատեց միութեան գործունէութիւնը եւ անոր նուիրեալները, որոնք կը ծառայեն մեր մշակոյթին ու ժողովուրդին։ Ան նաեւ գոհունակութիւն յայտնեց այն սերտ կապերուն համար, որոնք միութիւնը հաղորդ կը պահեն Ազգ. Առաջնորդարանին հետ, մաղթելով, որ այս գործակցութիւնը շարունակուի նաեւ հետագային։