Առաջնորդ Սրբազանը Ընդունեց Տ. Օշական եւ Տ. Բաբգէն Սրբազաններուն Այցելութիւնը


Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ուրբաթ, 15 Յուլիսի 2016ի կէսօրին, Ազգ. Առաջնորդարանին մէջ ընդունեց այցելութիւնը Միացեալ Նահանգներու Արեւելեան Թեմի Առաջնորդ Բարձր. Տ. Օշական Արք. Չօլոյեանի եւ Քանատայի Թեմի նորընտիր Առաջնորդ Բարձր. Տ. Բաբգէն Արք. Չարեանի, որոնք հիւրաբար մեր Թեմը կը գտնուին:

Առաջնորդ Սրբազանը անգամ մը եւս շնորհաւորեց Տ. Բաբգէն Սրբազանը՝ Քանատայի Թեմի Առաջնորդ ընտրութեան առիթով, ու յաջողութիւն մաղթեց անոր եկեղեցաշէն ու ժողովրդանուէր առաքելութեան:

Հանդիպումը առիթ եղաւ խորհրդակցելու երեք Թեմերը յուզող հարցերու եւ ծրագիրներու շուրջ: Յատուկ կարեւորութեամբ քննարկուեցան միացեալ հրատարակութիւններու, ինչպէս նաեւ Ն.Ս.Օ.Տ.Տ. Արամ Ա. Կաթողիկոսի յառաջիկայ այցելութեան վերաբերող ծրագիրները:

Ծանօթ է, որ Վեհափառ Հայրապետը, իր ձեռնադրութեան եւ օծման 20րդ տարեդարձին առիթով, յառաջիկայ աշնան պիտի այցելէ երեք Թեմերը: Ն.Ս. Օծութիւնը 30 Սեպտեմբերէն 4 Հոկտեմբեր պիտի ըլլայ մեր Թեմի հաւատացեալներուն ու ժողովականութեան հետ, ապա, յաջորդաբար պիտի այցելէ Քանատայի եւ Միացեալ Նահանգներու Արեւելեան Թեմերը:

Հանդիպումի աւարտին, Առաջնորդ Սրբազանը ճաշով հիւրասիրեց հիւր Սրբազան Հայրերը:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022