Լոյս Տեսաւ Կիլիկիա Պաշտօնաթերթի Ա. Տարուան Բացառիկ Թիւը

Ի հայրապետութեան Մեծի Տանն Կիլիկիոյ Գահակալ՝ Ն.Ս.Օ.Տ.Տ. Արամ Ա. Կաթողիկոսի, եւ հրամանաւ Ա.Մ.Ն. Արեւմտեան Թեմի բարեջան Առաջնորդ՝ Գերշ. Տ. Թորգոմ Ս. Եպս. Տօնոյեանի, այսօր լոյս տեսաւ Ազգային Առաջնորդարանի նորահաստատ եռամսեայ երկլեզու ԿԻԼԻԿԻԱ պաշտօնաթերթի Ա. տարուան (2021) առաջին եւ բացառիկ թիւը, որ ամբողջութեամբ նուիրուած է Թորգոմ Եպս. Տօնոյեանի առաջնորդական միամեայ գործունէութեան եւ Ազգային Առաջնորդարանի իրագործած ծրագիրներուն:

Կլենտէյլի մէջ գործող Global Print Inc. տպարանէն լոյսին եկող գունաւոր ու գեղատիպ տպագրութեամբ օժտուած բացառիկ այս թիւը կը հաշուէ 136 էջ եւ կարելի մանրամասնութեամբ կը ներկայացնէ Առաջնորդ Սրբազանի գլխաւորութեամբ Ազգ. Առաջնորդարանի՝ 16 Հոկտեմբեր 2020-էն մինչեւ 15 Սեպտեմբեր 2021 ծաւալած գործունէութիւնը, ոչ միայն Արեւմտեան Թեմի հոգեւոր ու ազգային կեանքին մէջ, այլեւ հայ-ամերիկեան, համասփիւռքեան եւ համահայկական մակարդակներու վրայ: Բացառիկ այս թիւով նաեւ անդրադարձ կը կատարուի՝ Արցախի 44-օրեայ պատերազմին եւ անոր հետեւանքներուն լոյսին տակ, Ազգ. Առաջնորդարանի զօրակցական կեցուածքին ու նախաձեռնութիւններուն, ինչպէս նաեւ՝ 24 Ապրիլ 2021-ին, Ամերիկայի Միացեալ Նահանգներու վսեմաշուք նախագահ Ճօ Պայտընի կողմէ Հայոց Ցեղասպանութեան ճանաչման իրողութեան:

Յայտնենք, որ Թորգոմ Եպս. Տօնոյեան ԿԻԼԻԿԻԱ պաշտօնաթերթի խմբագիր նշանակեց Սեդա Գրիգորեանը, առաջին թիւի անգլերէն բաժնի խմբագրութիւնը կատարեց Մարալ Հապէշեանը, իսկ Էջադրումը եւ հրատարակութեան պատրաստութիւնը՝ Ալեքս Սրկ. Գալայճեանը:

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

2022 – Սփիւռքի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային իշխանութեանց, եւ մեր ժողովուրդի զաւակներուն 2022 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

May 22, 2022 May 15, 2022