Գէորգ Պետիկեանի «Սա մեր բոլորին Հալէպն է» Հատորի Ողջունահանդէս Ազգ. Առաջնորդարանին Մէջ

Հովանաւորութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին, կազմակերպութեամբ Ազգ. Առաջնորդարանի Մշակութային-Դաստիարակչական Յանձնախումբին եւ գործակցութեամբ «Ասպարէզ»ի խմբագրութեան ու Լոս Անճելըսի Ազգ. Քարէն Եփփէ Ճեմարանականներու Ընկերակցութեան, Հինգշաբթի, 19 Ապրիլ 2018-ի երեկոյեան ժամը 7:00-ին, Ազգ. Առաջնորդարանի «Տիգրան եւ Զարուհի Տէր Ղազարեան» սրահին մէջ տեղի պիտի ունենայ գրող եւ դաստիարակ՝ Գէորգ Պետիկեանի «Սա Մեր Բոլորին Հալէպն է» հատորին ողջունահանդէսը։ Հատորը կը ներկայացնէ Տիկին Ծովինար Ղազարեան-Մելքոնեան։ Գեղարուեստական յայտագիրին կը մասնակցին ՀՕՄ-ի «Թալին» մասնաճիւղի աշակերտները։