Ս. Ղեւոնդեանց եւ Վարդանանց Տօնախմբութիւն


Հայաստանեայց Առաքելական եկեղեցին 25 եւ 27 Փետրուարին պիտի նշէ Ս. Ղեւոնդեանց Քահանայից եւ Ս. Վարդանանց Զօրավարաց տօները, որոնց յիշատակը «վասն հաւատոյ եւ վասն հայրենեաց» ուխտի վերանորոգումն է մեր կեանքին մէջ։

Համաձայն մեր Թեմի աւանդութեանց, այս տօներուն առիթով Ս. Պատարագ պիտի մատուցուի, Հոգեւորականաց համագումար տեղի պիտի ունենայ, ինչպէս նաեւ յատուկ արարողութիւններ։

Թեմիս բարեխնամ Առաջնորդ Բարձր. Տ. Մուշեղ Ս. Արք. Մարտիրոսեանի նախագահութեամբ եւ Թեմի հոգեւորականաց մասնակցութեամբ, Երեքշաբթի, 25 Փետրուար 2014ի առաւօտեան ժամը 11:00ին, Օրէնճ Քաունթիի Ս. Քառասնից Մանկանց եկեղեցւոյ մէջ տեղի պիտի ունենայ առաւօտեան ժամերգութիւն, աւարտին՝ հոգեւոր խորհրդածութիւն։

 Յետմիջօրէին մինչեւ երեկոյեան ժամը 6:00 տեղի պիտի ունենայ Հոգեւորականաց համագումարը։ Իսկ ժամը 2։30-ին Առաջնորդ Սրբազանն ու հոգեւորականաց դասը ներկայ պիտի գտնուին «Ղուկասեան» սրահին մէջ տեղի ունենալիք Ս. Վարդանանցի նուիրուած Արի Կիրակոս Մինասեան Ազգ. Վարժարանի աշակերտական յայտագրին, որու աւարտին Առաջնորդ Սրբազանը իր պատգամը պիտի փոխանցէ աշակերտութեան։

Երեկոյեան ժամը 6։30ին, պիտի մատուցուի Ս. Պատարագ։ Յաւարտ Ս. Պատարագի, հիւրընկալութեամբ Ս. Քառասնից Մանկանց եկեղեցւոյ հոգաբարձութեան, եկեղեցւոյ «Ղուկասեան» սրահին մէջ տեղի պիտի ունենայ հաւաքական սիրոյ սեղան։

Ս. ՎԱՐԴԱՆԱՆՑ ՏՕՆԱԿԱՏԱՐՈՒԹԻՒՆ

Հինգշաբթի, 27 Փետրուար 2014-ին, Ս. Վարդանանց Զօրավարաց տօնին առթիւ, մեր Թեմի եկեղեցիներէն ներս պիտի կատարուի առաւօտեան ժամերգութիւն։

Իսկ երեկոյեան ժամը 7:00ին, Ս. Պատարագ պիտի մատուցուի Փասատինայի Ս. Սարգիս եկեղեցւոյ մէջ, հանդիսապետութեամբ Առաջնորդ Սրբազան Հօր եւ մասնակցութեամբ Թեմիս հոգեւորականաց դասուն։ Պիտի պատարագէ եւ քարոզէ Հոգշ. Տ. Պօղոս Աբղ. Թինքճեան։ Արարողութեանց աւարտին, պիտի երգուին Ս. Վարդանանց տօնին նուիրուած յատուկ շարականներ եւ ազգային երգեր։

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

2022 – Սփիւռքի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային իշխանութեանց, եւ մեր ժողովուրդի զաւակներուն 2022 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

May 22, 2022 May 15, 2022