Առաջնորդ Սրբազանը Շքանշաններ Յանձնեց

Ն.Ս.Օ.Տ.Տ. Արամ Ա. Վեհափառ Հայրապետի բարձր օրհնութեամբ եւ տնօրինումով եւ ընդառաջ՝ Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեանի խնդրանքին, շքանշաններ յանձնուեցան հայ համայնքի կրթական եւ ծխական կեանքէն ներս իրենց անսակարկ ծառայութիւնն ու նուիրումը բերած ազգայիններու, այսպէս.

«Ս. Մեսրոպ Մաշտոց» շքանշան՝ Ռիչըրտ Թիւֆէնքեան Ազգ· մանկամսուր-մանկապարտէզի վաստակաւոր վարիչ՝ Տիկին Արսինէ Աղազարեանի, որ իբրեւ մանկավարժ, մօտաւորապէս երեք տասնամեակ անձնդիր ծառայութիւն բերած է հայ համայնքի կրթական կեանքէն ներս:

«Կիլիկեան Ասպետ» շքանշան՝ Տիար Խաչիկ Երէցեանին, ընդհանրապէս Թեմի եւ մասնաւորաբար Էնսինոյի Ս. Նահատակաց եկեղեցւոյ ծխական վերջին քառասուն տարուան կեանքէն ներս, իր ունեցած ծառայական պատկառելի վաստակին համար:

Այս առիթով, Առաջնորդ Սրբազանը պարգեւատրեալներուն փոխանցեց իր շնորհաւորանքները՝ կանաչ եւ առողջ օրեր մաղթելով անոնց:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022