Առաջնորդ Սրբազանը Յատուկ Հանդիպման Մը Հրաւիրեց Արեւմտեան Թեմի Ազգային Պատգամաւորները

Մեծի Տանն Կիլիկիոյ Հայրապետական Աթոռոյ կեդրոն՝ Անթիլիասի Մայրավանքին մէջ, նախագահութեամբ Ն.Ս.Օ.Տ.Տ. Արամ Ա. Կաթողիկոսի, 7-էն 9 Դեկտեմբեր 2022-ին տեղի պիտի ունենայ Ազգային Ընդհանուր ժողով: Շուրջ չորս տարին անգամ մը գումարուող Հայրապետական Աթոռոյ օրէնսդիր բարձրագոյն այս ժողովին մասնակցելու նպատակով՝ ընթացիկ տարուան Հոկտեմբեր ամսուն գումարուած Ազգ. Երեսփոխանական ժողովը ընտրեց 15 անդամ եւ 3 փոխ-անդամ:

Այս ծիրէն ներս, Երեքշաբթի, 15 Նոյեմեբեր 2022-ի երեկոյեան, Ա.Մ.Ն. Արեւմտեան Թեմի Առաջնորդ՝ Գերշ. Տ. Թորգոմ Ս. Եպս. Տօնոյեան խորհրդակցական հանդիպումի մը հրաւիրեց Ազգ. պատգամաւորները, որոնք Առաջնորդարանի Սիւլահեան դահլիճին մէջ Թորգոմ Եպիսկոպոսի հետ ծաւալեցին զրոյց, միասնաբար արծարծեցին շարք մը մտածումներ, Առաջնորդ Սրբազանէն ստացան անհրաժեշտ ուղղութիւններ Ընդհ. Ժողովի բնոյթին եւ այլ մանրամասնութեանց գծով, առ ի պատրաստութիւն մեկնելու Անթիլիաս:

Ամերիկայի Միացեալ Նահանգներու Արեւմտեան Թեմը՝ Առաջնորդ Սրբազանով, Կրօնական ժողովով, Ազգային վարչութեամբ եւ Ազգ. պատգամաւորներով իր ամբողջական եւ անվերապահ զօրակցութիւնը կը յայտնէ Ն.Ս.Օ.Տ.Տ. Արամ Ա. Կաթողիկոսի հայանպաստ եւ եկեղեցաշէն բոլոր ծրագիրներուն, միաժամանակ Նորին Սրբութեան մաղթելով քաջառողջ, կանաչազարդ բազում տարիներ, որպէսզի ընդ երկայն աւուրս շարունակէ իր իմաստուն առաջնորդութեամբ ղեկավարել Մեծի Տանն Կիլիկիոյ Հայրապետական Աթոռը եւ մերազն ժողովուրդը, սիրել-յուսալով եւ ամուր-հաւատալով, որ Ազգ. Ընդհանուր ժողովը Հայրապետական Աթոռին ու անոր բոլոր Թեմերուն վերակազմակերպման նոր խթան կը հանդիսանայ եւ գործունէութեան լայն դաշտեր կը բանայ յանուն համահայկական արժէքներու վերականգնման:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022