Ազգ. Թիւֆէնքեան Մանկամսուրի Աշակերտները Հիւրընկալուեցան Առաջնորդ Սրբազանին Կողմէ


Ազգային Թիւֆէնքեան մանկամսուրի դեռատի աշակերտները Հինգշաբթի, 17 Մարտ 2016ի առաւօտուն, զատկական եւ գարնանային երանգներ բերին Ազգային Առաջնորդարանի յարկին, երբ մանկամսուրի վարիչուհիին՝ Տիկին Արսինէ Աղազարեանի եւ դաստիարակներու առաջնորդութեամբ այցի եկան «Ազգի Տուն»ը եւ հիւրընկալուեցան Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի կողմէ:

Առաջնորդ Սրբազանը, իր կողքին ունենալով Արժ. Տ. Նարեկ Աւ. Քհնյ. Փեհլիվանեանն ու Տ. Վազգէն Աւ. Քհնյ. Աթմաճեանը, մանուկներն ու դաստիարակները դիմաւորեց «Ս. Տրդատ եւ Ս. Աշխէն» մատրան մէջ. Տէրունական աղօթքէն եւ Յարեւելից շարականին երգեցողութենէն ետք, աշակերտները առաջնորդուեցան «Տիգրան եւ Զարուհի Տէր Ղազարեան» սրահ. Տիկին Ա. Աղազարեան շնորհակալութիւն յայտնեց Առաջնորդ Սրբազանին, հիւրընկալութեան համար, եւ աւելցուց, որ աշակերտները Ս. Յարութեան տօնի նախօրեակին ծաղկեկողով մը կը նուիրեն իրեն, իբրեւ շնորհաւորանքի արտայայտութիւն:

Նոյնքան գեղեցիկ էր աշակերտներուն միւս «ծաղկեփունջ»ը, բաղկացած՝ Զատիկին ու Հայաստանին նուիրուած երգերով ու արտասանութիւններով: Մանուկները այս բոլորը կատարեցին ներդաշնակօրէն ու խանդավառութեամբ:

Այնուհետեւ, Առաջնորդ Սրբազանը աշակերտներն ու դաստիարակները ընդունեց «Սիւլահեան» դահլիճին մէջ եւ մանուկներուն հետ ունեցաւ մտերմիկ «ժողով» մը: Ինչպէս «Տ. եւ Զ. Տէր Ղազարեան» սրահին, նոյնպէս ալ այս հանդիպումին, Առաջնորդ Սրբազանը գոհունակութեամբ գնահատեց մանուկներուն անսխալ ներկայացումները, ինչպէս նաեւ անոնց հոգատար ուսուցիչները: Ան հարցումներ ուղղեց Ս. Յարութեան տօնին մասին եւ ստացաւ գոհացուցիչ պատասխաններ, իր կարգին՝ որոշ տեղեկութիւններ հաղորդեց Ս. Յարութեան տօնին, աւանդութեանց ու զայն կանխող Ծաղկազարդին մասին:

Աւարտին, մանուկները խմբանկար մը ունեցան Առաջնորդ Սրբազանին եւ հոգեւոր հայրերուն հետ,նաեւ իբրեւ յուշանուէր ստացան սրբապատկերներ:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022

ԼՈՒՐԵՐՈՒ ԱՐԽԻՒ