Ապրիլ 24ի նախօրեակին, Ազգ. Ռիչըրտ Թիւֆէնքեան մանկամսուրի աշակերտները Հինգշաբթի, 19 Ապրիլ 2018-ի առաւօտուն Ազգային Առաջնորդարան այցելեցին իրենց դաստիարակներուն հետ, ծաղիկներ դրին Ցեղասպանութեան Ս. նահատակներու յուշակոթողին դիմաց, ստացան օրհնութիւնը Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, որ նախորդ գիշեր վերադարձած էր Լիբանանէն։ Մանուկները հայրենասիրական երգերով ուխտեցին կառչած մնալ Ս.
buy antabuse online https://www.mobleymd.com/wp-content/languages/new/antabuse.html no prescription
նահատակաց կտակին։
Աշակերտները Ազգ. Առաջնորդարան ժամանեցին մանկամսուրի վարիչուհի Տիկին Արսինէ Աղազարեանի եւ ուսուցչուհիներու ընկերակցութեամբ եւ համախմբուեցան Ցեղասպանութեան նահատակներու յուշակոթողին առջեւ։ Առաջնորդ Սրբազանը իր կողքին ունէր Արժ. Տ. Նարեկ Աւ. Քհնյ. Փեհլիւանեանը։
Հաւաքը սկսաւ Տէրունական Աղօթքի հաւաքական երգեցողութեամբ։
Աշակերտներուն հետ մտերմիկ զրոյց մը ունենալով, Առաջնորդ Սրբազանը նշեց, որ կը գտնուինք Ապրիլ 24ի նախօրեակին եւ հաւաքուած ենք ոգեկոչելու համար մեր սրբադասեալ նահատակներու յիշատակը, որոնք յանուն ազգի, եկեղեցւոյ ու հայրենիքի նահատակուեցան։ Ի պատասխան Ցեղասպանութեան մասին Առաջնորդ Սրբազանին հարցումին, աշակերտները յայտնեցին, թէ պահանջատէր են մեր հողերուն, որոնք մեզմէ խլուած են ոճրագործ թուրքերուն կողմէ։ Առաջնորդ Սրբազանը յիշեցուց մանուկներուն, որ այս տարի նաեւ կը զուգադիպի Հայաստանի Ա. Հանրապետութեան անկախութեան 100-ամեակին, որ դրսեւորումն է հայ ազգի պահանջատիրութեան ու յաղթանակին։ Այնուհետեւ, աշակերտները միասնաբար երգեցին «Արդեօք ովքե՞ր են», «Սարտարապատ» եւ «Մեր Հայրենիք» քայլերգը եւ ծաղիկներ զետեղեցին յուշակոթողին առջեւ։