Ամերիկեան Դրոշմաթուղթի Հրապարակում՝ Ի Պատիւ Էլլատա Չախոյեանի 45-Ամեայ Երաժշտական Վաստակին

Երեքշաբթի 28 Մայիս 2019-ին, կազմակերպութեամբ «Վահան Միրաքեան» եւ «Արփա» ընկերակցութիւններուն, Կլենտէյլի «Ալէկրօ» ճաշարանին մէջ յատուկ ձեռնարկ մը տեղի ունեցաւ Հայաստանի վաստակաւոր արտիստ, միջազգային հանրային սոփրանօ եւ բազմաթիւ մրցանակներու դափնեկիր՝ Էլլատա Չախոյեանին 45-ամեայ գործունէութեան ի պատիւ դրոշմաթուղթի հրապարակման առթիւ։

Ձեռնարկին ներկայ գտնուեցաւ Արժ. Տ. Ղեւոնդ Քհնյ. Քիրազեան եւ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի կողմէ փոխանցեց գնահատագիր մը, ուր Առաջնորդ Սրբազանը կը շնորհաւորէր մեծարեալը, որ արժանաւորապէս կը գնահատուէր, ամբողջ կեանք մը երաժշտական աշխարհէն ներս իր ունեցած ներդրումին, մաղթելով առողջութիւն եւ արեւշատ տարիներ, որպէսզի իր Աստուածատուր տաղանդներով շարունակէ դիւթել արուեստասէրներու սրտերն ու հոգիները։

Յայտնենք, որ Ուրբաթ, 24 Մայիսին, Տիկ. Չախոյեան այցելեց Ազգային Առաջնորդարան եւ Առաջնորդ Սրբազանին հետ հանդիպման ընթացքին յանձնեց դրոշմաթուղթէն օրինակ մը։

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022