Ամառնային Ս. Գրային Դասընթացքներ

Մեր Թեմի եկեղեցիներուն հոգեւոր հովիւները, հոգաբարձութիւններն ու Կիրակնօրեայ Վարժարանները վերջին տարիներուն ստեղծած են բարի աւանդութիւն մը. ամրան ընթացքին, մանուկներու եւ պատանիներու համար կը կազմակերպուին դաստիարակչական ծրագիրներ, մասնակիցներուն կը ջամբուին քրիստոնէական դաստիարակութիւն, հայերէն լեզու եւ մշակոյթ, կրօնական գիտելիքներ, շարականներ ու աղօթքներ եւ այս բոլորը՝ հաճելի ժամանցի մթնոլորտի մէջ:

Այս տարի, ամառնային դասընթացքները կը կատարուին հետեւեալ ժամանակացոյցով.

– Փասատինայի Ս. Սարգիս եկեղեցւոյ Ս. Գրային դպրոցը պիտի սկսի 2 Յուլիսին եւ պիտի տեւէ 4 շաբաթ, առաւօտեան ժամը 8:30էն մինչեւ կէսօրէ ետք ժամը 2։ Դասընթացքին կրնան մասնակցիլ 3 տարեկան եւ վեր մանուկներ ու պատանիներ:

– Ֆրեզնոյի Ս. Երրորդութիւն Մայր եկեղեցւոյ Ս. Գրային դպրոցը տեղի պիտի ունենայ 15-19 Յուլիսին, առաւօտեան ժամը 9էն մինչեւ կէսօր:

– Մոնթեպելլոյի Ս. Խաչ Մայր Տաճարի «Լուսաւոր Ճամբար» բանակումը տեղի պիտի ունենայ 15էն 21 Յուլիսին, Mount Kare Camp-ին մէջ: Բանակումին մասնակիցները պիտի ունենան հաճելի շաբաթ մը, յագեցած կրօնական, դաստիարակչական, մարզական եւ մշակութային գործունէութեամբ։ Այս բանակումին կրնան մասնակցիլ 6-16 տարեկան մանուկներն ու պատանիները։

– Օրէնճ Քաունթիի Ս. Քառասնից Մանկանց եկեղեցւոյ Ս. Գրային ամառնային դպրոցը տեղի պիտի ունենայ 23էն 27 Յուլիսին, առաւօտեան ժամը 9էն 12, մանկապարտէզէն մինչեւ 8րդ կարգի աշակերտներու համար:

Կոչ կ’ուղղենք ծնողներուն, որպէսզի իրենց զաւակները մասնակից դարձնեն այս օգտակար ծրագիրներուն: Յաւելեալ մանրամասնութեանց համար կարելի է կապ պահել եկեղեցիներու գրասենեակներուն հետ:

Print Friendly, PDF & Email

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022