Վարանդ եւ Հուրի Մելքոնեան Բարերար Ամոլը Գլխաւոր Հովանաւոր՝ «Առաջնորդ Սրբազան Հօր Նոր Տարուան եւ Ս. Ծննդեան Ընթրիք»ին

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, Կրօնական Ժողովը, Ազգ. Վարչութիւնն ու Տիկնանց Օժանդակ Մարմինը ուրախ են յայտարարելու, որ ազգային բարերար՝ Տէր եւ Տիկին Վարանդ եւ Հուրի Մելքոնեան ամոլը ստանձնած է «Առաջնորդ Սրբազան Հօր Նոր Տարուան եւ Ս. Ծննդեան աւանդական ընթրիք»ի գլխաւոր հովանաւորութիւնը։

Ձեռնարկը տեղի պիտի ունենայ Ս. Ծննդեան օրը, Երկուշաբթի, 6 Յունուար 2020-ին, երեկոյեան ժամը 6:30-ին, Մոնթեպելլոյի Ս. Խաչ Մայր Տաճարի «Բաղրամեան» սրահին մէջ:

Գնահատելով բարերարներուն երկարամեայ նուիրաբերումը, Առաջնորդ Սրբազանը հաստատեց, «Մեզի համար յատկապէս աւելի նշանակալից է այս տարուան ձեռնարկը, որովհետեւ մեր Թեմի ծառայական կեանքին տեղապահութեան եւ առաջնորդութեան տարիներուն 25-րդ «Նոր Տարուան եւ Ս. Ծննդեան աւանդական ընթրիք»ն է, զոր կը կազմակերպենք եւ որուն պիտի նախագահենք։ Երախտապարտ ենք Մելքոնեան ընտանիքին առատաձեռն նուիրատուութիւններուն ու զօրակցութեան համար, որոնք ուղղուած են մեր եկեղեցւոյ ու ազգին, եւ ի մասնաւորի Ազգային Առաջնորդարանին, մեր ծուխերուն ու վարժարաններուն, Հայ Դատին եւ համայնքային բազմաթիւ կազմակերպութեանց»։

Print Friendly, PDF & Email

ՎԵՐՋԻՆ ԼՈՒՐԵՐ

2021 – Արցախի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց, եւ մեր ժողովուրդի զաւակներուն 2021 տարուան սեմին, Մեծի Տանն Կիլիկիոյ... [...]

2020 – Յատուկ Խնամքի Կարօտ Հայորդիներու Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային Իշխանութեանց եւ մեր ժողովուրդի զաւակներուն Մեծի Տանն Կիլիկիոյ Կաթողիկոսութեան Անթիլիասի Մայրավանքէն... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

July 25, 2021 July 18, 2021