Շաբաթական Լուրեր – 4 Ապրիլ 2014

ԹԵՄԻՍ ԵԿԵՂԵՑԻՆԵՐՈՒՆ ՄԷՋ ԱՂՕԹՔ ՀԱՅԿԱԿԱՆ ՈՍԿՐԱԾՈՒԾԻ ՀԻՄՆԱՐԿԻ ԾԱՌԱՅՈՒԹԵԱՆ
ԵՒ ՀՈԳԵՀԱՆԳԻՍՏ ԱԶԱՏԱՄԱՐՏԻԿ ՀՐԱՉ ՄՈՒՐԱՏԵԱՆԻ

HratchMuradyanՀայկական Ոսկրածուծի Հիմնարկի խնդրանքով եւ Առաջնորդ Սրբազան Հօր տնօրինումով, Կիրակի, 6 Ապրիլին, Թեմիս եկեղեցիներուն մէջ յատուկ աղօթք պիտի բարձրացուի բարեսիրական այս կազմակերպութեան հոգածութիւնը վայելող հիւանդներուն, ինչպէս նաեւ անոր նուիրեալ ծառայողներուն յաջողութեան համար։ Հիմնարկի անդամներ եւ ծառայողներ, աւանդաբար նոյն օրը եկեղեցիներու շրջափակին մէջ, տեղեկատուական-քարոզչական աշխատանք կը տանին իրենց առաքելութեան մասին։

Նոյն օրը, Արցախեան ազատամարտիկ եւ Հայաստանի Պռոշեանի գիւղապետ Հրաչ Մուրատեանի սպանութեան առաջին տարելիցին առիթով, նախաձեռնութեամբ Հայ Երիտասարդաց Դաշնակցութեան, Թեմիս եկեղեցիներուն մէջ պիտի կատարուի հոգեհանգստեան պաշտօն։ Հոգեհանգստեան արարողութենէն ետք, Կլենտէյլի Ս. Աստուածածին եկեղեցւոյ շրջափակին մէջ, տեղի պիտի ունենայ յատուկ հաւաք։

Կը հրաւիրենք մեր հաւատացեալ ժողովուրդը ներկայ ըլլալու արարողութեանց եւ աղօթք բարձրացնելու ՀՈՀի խնամքին յանձնուած հիւանդներու առողջութեան եւ ապաքինման, ինչպէս նաեւ Հրաչ Մուրատեանի ու մեր բոլոր նահատակներու յիշատակին համար։

***

ՌՈԶ ԵՒ ՓԻԼԻՊՈՍ ԱԶԳ. ՎԱՐԺԱՐԱՆԻ ՏԱՐԵԿԱՆ ՃԱՇԿԵՐՈՅԹԸ

IMG_0282Ուրբաթ, 28 Մարտի երեկոյեան, հովանաւորութեամբ Առաջնորդ Սրբազան Հօր, տեղի ունեցաւ Ռոզ եւ Ալեք Փիլիպոս Ազգ. Վարժարանի տարեկան ճաշկերոյթը՝ Կլենտէյլի “Փալատիոյ” սրահին մէջ։ Ձեռնարկին հիւրընկալութիւնը ստանձնած էր Թեմիս բարերարներէն Վարանդ եւ Հուրի Մելքոնեան ամոլը։ Ներկայ էր Ազգային Վարչութեան անդամ Տոքթ. Նաւասարդ Գազազեան։ Սրբազան Հայրը ներկայ եղաւ ձեռնարկին ու իր խօսքով, հայրական օրհնութիւններ փոխանցեց Վարժարանի տնօրէնութեան, ուսուցչական կազմին, աշակերտութեան, ծնողներուն, բարերարներուն ու բարեկամներուն, մեծապէս գնահատելով տարուած սերնդակերտ աշխատանքը։ Սրբազանը յատկապէս շնորհաւորեց օրուան հիւրընկալները, Տնօրէնութեան կողմէ անոնց գնահատանքի արժանանալուն ուրախ առթիւ, գնահատեց անոնց նուիրաբերումի ոգին ու օրհնեց անոնց վաստակը կոչ ուղղելով բոլորին միշտ նեցուկ կանգնելու ազգակերտ այս օճախին ու նուիրատուութիւններով աւելի զօրացնելու անոր երթը։

***

ԲԱՐԵՐԱՐ ՀԷՐԻ ՆԱՃԱՐԵԱՆ ԿԸ ՊԱՐԳԵՒԱՏՐՈՒԻ
HOUSE OF LEBANON-Ի ԿՈՂՄԷ

HarryNadjarianՇաբաթ, 5 Ապրիլին, House of Lebanon-ի տարեկան ձեռնարկը տեղի պիտի ունենայ Beverly Hilton պանդոկին մէջ։ Յատուկ պարգեւատրումի պիտի արժանանայ գաղութիս բարերարներէն Տիար Հէրի Նաճարեան։

Նկատի ունենալով, որ Առաջնորդ Սրբազանը Անթիլիաս պիտի գտնուէր  մասնակցելու Մեծի Տանն Կիլիկիոյ Կաթողիկոսութեան Միաբանական Ընդհանուր Ժողովներուն, ան նախապէս իր “Օրհնութեան եւ Շնորհաւորանքի Գիր”ը յղեց Տիար Նաճարեանին, շնորհաւորելով անոր պարգեւատրումը եւ գնահատելով բարեսիրական գործունէութիւններն ու նուիրաբերումները հայ եկեղեցւոյ, Առաջնորդարանիս, դպրոցներուն եւ հայ համայնքին ընդհանրապէս։

***

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

June 26, 2022 June 19, 2022