Շաբաթական Լուրեր – 24 Դեկտեմբեր 2015

ԱՌԱՋՆՈՐԴ ՍՐԲԱԶԱՆԸ ՊԻՏԻ ՀԱՆԴԻՍԱՊԵՏԷ ԷՆՍԻՆՈՅԻ Ս. ՆԱՀԱՏԱԿԱՑ ԵԿԵՂԵՑՒՈՅ Ս. ՊԱՏԱՐԱԳԻՆ

St.StephenՀայաստանեայց Առաքելական եկեղեցւոյ տօնացոյցին համաձայն, Շաբաթ, 26 Դեկտեմբեր 2015ը Սուրբ Ստեփանոս Նախասարկաւագի տօնն է։ Սուրբ Ստեփանոսի տօնը տօնն է նաեւ մեր բոլոր սարկաւագներուն եւ եկեղեցւոյ Ս. Խորանին սպասարկող հաւատացեալ հայորդիներուն։

Կիրակի, 27 Դեկտեմբերին, Թեմիս բոլոր եկեղեցիներուն մէջ Ս. Պատարագի ընթացքին, Սուրբ Ստեփանոսի յիշատակը պիտի նշուի եւ հոգեւոր հայրերը իրենց քարոզներուն մէջ վեր պիտի առնեն Ստեփանոս Նախասարկաւագի նահատակութեան իմաստը։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան պիտի հանդիսապետէ Էնսինոյի Սրբբոց Նահատակաց Եկեղեցւոյ Ս. Պատարագին եւ պիտի փոխանցէ օրուան խորհուրդը ներկայացնող իր պատգամը։

Առաջնորդ Սրբազանը Ս. Պատարագէն ետք պիտի հանդիսապետէ հոգեհանգստեան արարողութեան, յատուկ աղօթք բարձրացնելով ազգային բարերար Յարութ Պարսամեանի հոգւոյն համար, անոր մահուան քառասունքին առիթով։

***

Ս. ԾՆՆԴԵԱՆ ՏՕՆԻՆ ԱՌԻԹՈՎ ՋՐՕՐՀՆԷՔ «ԱՐԱՐԱՏ ՏԱՆ» ՄԷՋ

Միշըն Հիլզի «Արարատ Տան» տարեց բնակիչները մասնակից դարձնելու համար ամանորի ու Ս. Ծննդեան մթնոլորտին, Երեքշաբթի, 29 Դեկտեմբերին, նախագահութեամբ Առաջնորդ Սրբազան Հօր, ջրօրհնէքի արարողութիւն պիտի կատարուի հիւանդանոցի բաժինի սրահին մէջ, աղօթակցութեամբ հոգեւորականաց դասու անդամներուն, ապա, ժամերգութիւն եւ ջրօրհնէք հաստատութեան համալիրի մատրան մէջ։

***

ՆՈՐ ՏԱՐՈՒԱՆ ԱՂՕԹՔ ՄԵՐ ԹԵՄԻ ԵԿԵՂԵՑԻՆԵՐՈՒՆ ՄԷՋ

Ուրբաթ, 1 Յունուար 2016-ը Տարեմուտ է, Կաղանդ։

Հայկական գեղեցիկ աւանդութիւն մըն է նոր տարին դիմաւորել Աստուծոյ Տան մէջ, երախտագիտութիւն յայտնել մեզի շնորհուած բարիքներուն համար ու կեանքի նոր շրջանը բանալ աղօթքով եւ երկնատուր պարգեւներու խնդրանքով։

Համաձայն այս աւանդութեան, Ուրբաթ, 1 Յունուարին, 2016ի առաջին օրը, Թեմիս եկեղեցիներուն մէջ առաւօտեան ժամերգութիւն տեղի պիտի ունենայ, ինչ որ մեր հաւատացեալ ժողովուրդի զաւակներուն առիթ պիտի ընծայէ իրենց շրջաններու եկեղեցիներուն մէջ աղօթքով բոլորելու Նոր Տարուան առաւօտեան առաջին ժամերը:

***

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

August 7, 2022 July 31, 2022