Շաբաթական Լուրեր – 14 Փետրուար 2014

ԵՊԻՍԿՈՊՈՍԱԿԱՆ Ս. ՊԱՏԱՐԱԳ ԵՒ ՄԱՏԱՂՕՐՀՆԷՔ
Ս. ՍԱՐԳԻՍ ԵԿԵՂԵՑՒՈՅ ԱՆՈՒԱՆԱԿՈՉՈՒԹԵԱՆ ՏՕՆԻՆ ԱՌԹԻՒ

StSarkisՇաբաթ, 15 Փետրուարը, Ս. Սարգիս Զօրավարին եւ իր որդւոյն՝ Մարտիրոսի եւ 14 զինուորներու յիշատակի տօնն է, նաեւ՝ անուանակոչութեան տօնը՝ Փասատինայի Ս. Սարգիս եկեղեցւոյ։

Այս առթիւ, Կիրակի, 16 Փետրուարին, Ս. Սարգիս եկեղեցւոյ մէջ, Եպիսկոպոսական հանդիսաւոր Ս. Պատարագ պիտի մատուցուի եւ մատաղօրհնէք պիտի կատարուի։

Պիտի պատարագէ, մատաղօրհնէքը պիտի կատարէ եւ օրուան խորհուրդը ներկայացնող իր պատգամը պիտի փոխանցէ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան։

Ս. Պատարագի աւարտին, հոգեհանգստեան պաշտօն տեղի պիտի ունենայ եկեղեցւոյ անդրանիկ հոգեւոր հովիւ՝ Տ. Սարգիս Աւ. Քհնյ. Անդրէասեանի, նախկին հոգաբարձուներու, երեսփոխաններու, եկեղեցւոյ սպասարկած եւ հայ ժողովուրդի հին եւ նոր ննջեցեալներու հոգիներուն։

Առաջնորդ Սրբազան Հօր հրաւէրով, Հոլիվուտի Ս. Կարապետ Մայր Եկեղեցւոյ մէջ պիտի քարոզէ Բերիոյ Թեմի նախկին Առաջնորդ՝ Գերշ. Տ. Սուրէն Արք. Գաթարոյեան, որ հիւրաբար մեր Թեմը կը գտնուի։

Շաբաթ, 15 Փետրուարին, երեկոյեան ժամը 7-ին, եկեղեցւոյ անուանակոչութեան տօնին առթիւ, Ժամերգութիւն եւ հսկում պիտի կատարէ Ս. Սարգիս եկեղեցւոյ հոգեւոր հովիւ Արժ. Տ. Պօղոս Քհնյ. Պալթայեան։

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

2022 – Սփիւռքի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային իշխանութեանց, եւ մեր ժողովուրդի զաւակներուն 2022 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

May 22, 2022 May 15, 2022