Շաբաթական Լուրեր – 24 Յունուար 2014

ՀՈԳԵՀԱՆԳԻՍՏ ՆԱՀԱՏԱԿ ԶԻՆՈՒՈՐ ԱՐՄԷՆ ՅՈՎՀԱՆՆԻՍԵԱՆԻ ՀԱՄԱՐ

ArmenHovhannisyanԱյսու կը հաղորդենք մեր աւատացեալ ժողովուրդին, որ յառաջիկայ Կիրակի, 26 Յունուար 2014ին, Արեւմտեան մեր Թեմի բոլոր եկեղեցիներուն մէջ հոգեհանգստեան յատուկ պաշտօն պիտի կատարուի Արցախի սահմանային գօտին մէջ շաբաթասկիզբին նահատակուած հայ զինուորին՝ Արմէն Յովհաննիսեանի, ինչպէս նաեւ հայրենի հողերը պաշտպանելու ճամբուն նահատակ ինկած բոլոր զինուորներուն հոգիներուն համար։

Կլենտէյլի Ս. Աստուածածին եկեղեցւոյ մէջ, հոգեհանգստեան այս յատուկ արարողութենէն ետք, ծաղկեպսակ պիտի զետեղուի Ցեղասպանութեան յուշակոթող խաչքարին առջեւ։

Կոչ կ՚ուղղենք մեր ժողովուրդին, որ աղօթքով խոնարհին նահատակ հայ զինուորի յիշատակին։

***

ՀՈԳԵՀԱՆԳԻՍՏ ԵՒ ՅՈՒՇ ԵՐԵԿՈՅ ՀՐԱՆԴ ՏԻՆՔԻ
ՄԱՀՈՒԱՆ 7-ՐԴ ՏԱՐԵԼԻՑԻՆ ԱՌԹԻՒ

HrantDink7th2Կիրակի, 19 Յունուարին, կէսօրէ ետք ժամը 2-ին, նախաձեռնութեամբ Պոլսահայ Միութեան, Հրանդ Տինքի նահատակութեան 7րդ տարելիցին առիթով, համահայկական հոգեհանգստեան արարողութիւն տեղի ունեցաւ Մոնթեպելլոյի Հայոց Ցեղասպանութեան Յուշարձանին առջեւ։ Յանուն Առաջնորդ Սրբազան Հօր Գերպ. Տ. Միւռոն Ծ. Վրդ. Ազնիկեան ներկայ եղաւ արարողութեան։

Նոյն օրը, երեկոյեան, նմանապէս կազմակերպութեամբ Պոլսահայ Միութեան, յուշ երեկոյ մը տեղի ունեցաւ միութեան սրահին մէջ, Winnetka.

Բանախօսն էր Պոսթընի «Արմինիըն Ուիքլի» շաբաթաթերթի վարիչ խմբագիր Տիար Խաչիկ Մուրատեան, որուն շնորհուեցաւ Հրանդ Տինքի անուան «Հոգիի Ազատութեան եւ Արդարութեան» տարեկան առաջին մետալը։

Յանուն Առաջնորդ Սրբազան Հօր, Արժ. Տ. Ռազմիկ Քհնյ. Խաչատուրեան ներկայ եղաւ ձեռնարկին։

***

ՄԱՍՆԱԿՑՈՒԹԻՒՆ ԼՈՍ ԱՆՃԵԼԸՍԻ ԿԱԹՈՂԻԿԷ
ԵԿԵՂԵՑՒՈՅ ՄԱՅՐ ՏԱՃԱՐԻՆ ՄԷՋ ԱՐԱՐՈՂՈՒԹԵԱՆ

20140118_195656Շաբաթ, 18 Յունուարի երեկոյեան, Կաթողիկէ համայնքի Լոս Անճելըսի «Cathedral of our Lady of the Angels» տաճարին մէջ տեղի ունեցաւ իւրայատուկ արարողութիւն մը, նուիրուած՝ Կեանքին։

Այս արարողութիւնը տարեկան հերթականութեամբ կը կատարուի, վեր առնելու համար մարդկային կեանքի արժէքը, նկատի ունենալով նախածննդեան շրջանի կեանքը եւս։

Տ. Հոզէ Կոմէզ Արքեպիսկոպոսը այս արարողութեան մասնակցելու հրաւէր մը ուղղած էր Առաջնորդ Սրբազանին։ Նկատի ունենալով, որ Առաջնորդ Սրբազանը այդ օրը Ֆրեզնօ կը գտնուէր, իբրեւ ներկայացուցիչ՝ Արժ. Տ. Ղեւոնդ Քհնյ. Քիրազեան եւ Հոգշ. Տ. Պօղոս Աբեղայ Թինքճեան ներկայ եղան արարողութեան։

***

Print Friendly, PDF & Email

ՎԵՐՋԻՆ ԼՈՒՐԵՐ

Առաջնորդ Սրբազան Հօր Ս. Զատկուան Պատգամը

ԱՄԵՆԱԼՈ՜ՅՍ ՊԱՅԾԱՌ ԿԻՐԱԿԻՆ Կիրակիները, արեգակնային դրութեան ճշգրտութեամբ, կը յաջորդեն իրարու: Բայց Կիրակին այն, որուն կը սպասեն երկիր ու մարդկութիւն, Կիրակին,... [...]

2022 – Սփիւռքի Տարի

Մեծի Տանն Կիլիկիոյ Կաթողիկոսութեան Թեմակալ Առաջնորդներուն, հոգեւոր դասուն, Ազգային իշխանութեանց, եւ մեր ժողովուրդի զաւակներուն 2022 տարուան սեմին, Մեծի Տանն Կիլիկիոյ... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

May 22, 2022 May 15, 2022