ԱՌԱՋՆՈՐԴ ՍՐԲԱԶԱՆԸ ՆՈՐ ՕՐՀՆՈՒԱԾ ՄԻՒՌՈՆՈՎ ՋՐՕՐՀՆԷՔ ՊԻՏԻ ԿԱՏԱՐԷ
ՓԱՍԱՏԻՆԱՅԻ Ս. ՍԱՐԳԻՍ ԵԿԵՂԵՑՒՈՅ ՄԷՋ
Կիրակի, 2 Օգոստոս 2015ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան պիտի հանդիսապետէ Փասատինայի Ս. Սարգիս Եկեղեցւոյ Ս. Պատարագին եւ պիտի փոխանցէ իր պատգամը։
Ս. Պատարագի ընթացքին, Առաջնորդ Սրբազան Հօր ձեռամբ, Անթիլիասի Մայրավանքէն բերուած նոր օրհնուած Ս. Միւռոնով ջրօրհնէք պիտի կատարուի եւ օրհնուած ջուրը պիտի բաշխուի հաւատացեալներուն։ Յայտնենք, որ ջրօրհնէքի արարողութիւններ պիտի կատարուին նաեւ մեր Թեմի բոլոր եկեղեցիներուն, մէջ, յառաջիկայ շաբաթներուն։
